پاۆلوداردا بايان باتىرعا ارناپ ەسكەرتكىش قويىلدى

قولادان جاسالعان بۇل تۋىندى جەرىن جاۋدان قورعاعان ەرجۇرەك باتىرعا دەگەن حالىقتىڭ العىسىن بىلدىرەدى.
سالتاناتتى شاراعا پاۆلودار وبلىسىنىڭ اكىمى قانات بوزىمبايەۆ، ق ر پارلامەنتىنىڭ دەپۋتاتتارى، تاريحشى-عالىمدار، مادەنيەت قىزمەتكەرلەرى، اقساقالدار، «بايان باتىر» رەسپۋبليكالىق قوعامدىق قورىنىڭ وكىلدەرى قاتىستى.
بەلگىلى قازاقستاندىق ءمۇسىنشى ەدىگە راحمادييەۆتىڭ سوزىنە قاراعاندا، ول تاريحي باتىردىڭ ءمۇسىنىن جاساۋ ءۇشىن ءبىر جىلداي جۇمىس ىستەگەن. شىعارىلعان كىتاپتاردى، عالىمداردىڭ زەرتتەۋلەرىن وقىپ وسىنداي ءمۇسىندى جاساعان.
بايان باتىردىڭ تاۋەلسىزدىككە قوسقان ۇلەسى تۋرالى وسى كۇنى باتىرعا ارنالىپ وتكەن عىلىمي- پراكتيكالىق كونفەرەنسيادا ايتىلدى. وعان بەلگىلى تاريحشىلار، ق ر قوعام قايراتكەرلەرى، موڭعوليا، قىتاي، وزبەكستان جانە رەسەي فەدەراتسياسىنداعى قازاق دياسپورالارىنىڭ وكىلدەرى قاتىستى.
رەسمي شارالار اياقتالعان سوڭ، بايان باتىردىڭ قۇرمەتىنە اس بەرىلدى.