مۇناي باعاسى تومەندەپ، دوللار ءوسۋى مۇمكىن بە؟

استانا. قازاقپارات - «كۇزگە قاراي دوللار تاعى ءبىر «مىنەز» كورسەتەدى» دەگەن سىبىس اسىرەسە قاراپايىم جۇرتشىلىقتىڭ دەگبىرىن قاشىردى.
None
None

ويتكەنى ءبىرىنشى كەزەكتە زارداپ شەگەتىن سولار. دوللار 150 دەن 180 گە سەكىرگەندە «حالىق كۇندەلىكتى تۇتىناتىن تاۋارلاردىڭ، سونىڭ ىشىندە وتاندىق ونىمدەردىڭ باعاسىن تىزگىندەۋگە بارىمىزدى سالامىز» دەپ سەندىرگەن ۇكىمەت ءتىپتى ايماقتاردا تۇراقتاندىرۋ قورلارىن دا قۇرعان ەدى، الايدا ۋادەسىندە تۇرمادى، بىلايشا ايتقاندا اساۋ باعانى تۇساۋلاۋعا شامالارى جەتپەدى.

باعا بىرنەشە پايىزعا كوتەرىلدى اقىرىندا. ارتىنشا جالاقى كوبەيەدى دەپ باسۋ ايتقان بولدى، الايدا قىمباتتاعان باعا مەن ازداپ وسكەن جالاقىنىڭ اراسى تىم الشاق ءتۇستى.

نارىق زامانىنىڭ پارقىن ءتۇسىنىپ قالعان جۇرتشىلىق وعان دا كوندى. ەندى دوللار 200 دەن اساتىنى تۋرالى بولجام راسقا اينالسا ءنىل بۇزىلماسا دا نارازى حالىققا قوسىلمايتىن ءۇن قالماس. ارينە، ۇلتتىق بانك باياعى انىنە سالىپ، «كوك قاعاز قۇنى قۇبىلمايدى، تەڭگە قۇنسىزدانبايدى» دەپ جاتىر.

الايدا جىل باسىنداعىداي ويلاماعان جەردەن «ويبايلاتىپ» جاتسا، وعان دا تاڭ قالمايمىز. ءبىراق... «الاش ايناسى» وسى وزەكتى ماسەلەگە قايتا اينالىپ سوققاندى ءجون كوردى.

ءىلياس يسايەۆ، ەكونوميست-ساراپشى:

-  دوللار قىمباتتايدى. مۇنايدىڭ باعاسى تومەندەۋى مۇمكىن دەگەن بولجام شىندىققا اينالىپ بارادى. ال مۇناي باعاسى ارزانداسا، البەتتە دوللار قىمباتتايدى. ول زاڭدىلىق. «دۇنيەجۇزىلىك وندىرىستە مۇناي ارتىق شىعارىلىپ قويدى. قور جەتكىلىكتى. مۇنايدى تۇتىنۋشى ەلدىڭ نەگىزگىسى - قىتاي دەسەك، قىتايدىڭ ەكونوميكاسى كەلەشەكتە قۇلدىراۋى مۇمكىن» دەيدى الەمدىك ساراپشىلار.

مەنىڭ دە ويىم وسىعان سايادى، ياعني مۇناي باعاسى تومەندەسە، دوللار مىندەتتى تۇردە كۇش الاتىن بولادى. دوللار قىمباتتاسا حالىقتىڭ بايبالام سالماعاندارى ءجون. مىنانى ەسكەرگەن ابزال: الەمدىك نارىقتا ءبىزدىڭ ۇلتتىق قورىمىز تەڭىزدىڭ تامشىسىنداي عانا.

بىلايشا ايتقاندا، ج ءى و بار بولعانى 230 ميلليارد دوللاردى قۇرايدى. بىلسە بىلسەك، امەريكاداعى ءبىر ادامنىڭ بايلىعى بۇل. ءبىز دوللارعا تاۋەلدىمىز. ءبىز الەمدىك نارىقتىڭ ىقپالىنان شىعا المايمىز، سەبەبى ۋاقىت وزعان سايىن جاھاندىق ەكونوميكا ينتەگراتسيالانىپ بارادى. سوندىقتان دا، ەلدىڭ كەز- كەلگەن جاعدايعا دايىن تۇرعاندارى دۇرىس.

مۇناي دەمەكشى، وسى تۇستا ايتا كەتەيىك، ا ق ش-تاعى «قارا التىنعا» دەگەن سۇرانىستىڭ تومەندەۋى نارىققا ايتارلىقتاي اسەر ەتسە كەرەك. ناقتىراق ايتساق، 400 مىڭ باررەلگە دەيىن ازايادى دەگەن دەپ وتىرعاندا ا ق ش-تاعى مۇناي قورى كەرىسىنشە وتكەن اپتادا 579 مىڭ باررەلگە ارتقان. بۇل بۇگىنگى جاعداي. «الداعى ۋاقىتتا دا مۇناي باعاسى قۇلدىراۋى ابدەن مۇمكىن» دەيدى ساراپشىلار. ويتكەنى ليۆيا مۇناي ءوندىرىسىن ەكى ەسەگە ارتتىراتىن اش-شارارا كەن ورنىن ىسكە قوستى. Saxo Bank ساراپشىلارىنىڭ مالىمەتىنشە، ەۋروپانى ءىرى ەكونوميكالىق داعدارىس جايلاپ، اكسيالار مينۋسقا دەيىن تومەندەۋى مۇمكىن. التىن تاعى دا قىمباتتاپ، مۇناي بىردەن ارزانداپ كەتەدى. ولاردىڭ ايتۋىنشا، الەمدىك مۇناي نارىعىندا قازىر وتپەلى كەزەڭ. ناقتىراق ايتقاندا، ا ق ش، كانادا جانە ساۋد ارابياسىندا مۇناي ءوندىرىسى كولەمى ارتقان.

دەمەك، دوللاردىڭ قىمباتتاۋى عاجاپ ەمەس. الايدا «BCC Invest» ا ق-تىڭ دەپارتامەنت ديرەكتورى الىبەك ورازاقوۆ دوللار باعاسىندا كۇرت وزگەرىس بولمايدى دەگەن پىكىردە. «BCC Invest» ا ق-تىڭ ساراپشىلارىنىڭ بولجامى بويىنشا، جىل سوڭىنا دەيىن دوللار باعامى 185-188 تەڭگەدەن اسپايدى. «بىرىنشىدەن، - دەيدى ولار، - دوللار ساۋداسى ءبىر قالىپتى. ەكىنشىدەن رەسەي ءرۋبلى بابىندا. ال ەڭ نەگىزگىسى، تولەم تەڭگەرىمى وڭ كورسەتكىشكە يە. كاپيتالدىڭ سىرتقا اعىلۋى مەن ىشكە كەلۋى بۇگىنگى كۇنى نولگە تەڭ».

«اسىل ينۆەست» ا ق-نىڭ ساراپتاما دەپارتامەنتىنىڭ ديرەكتورى ايۆار بايكەنوۆ تە ارىپتەسىنىڭ جاعىندا. ونىڭ ويىنشا، بوسقا بايبالام سالۋ ورىنسىز. ۇلتتىق ۆاليۋتاعا دەگەن سەنىمگە سەلكەۋ تۇسسە ول الىپ-ساتارلارعا ءتيىمدى. «البەتتە، حالىق تاعى ءبىر ديەۆالۆاتسيا تولقىنى بولادى ما دەپ قورقادى. الايدا وعان ەش نەگىز جوق» دەيدى ول سونداي-اق.

بايقاپ وتىرعاندارىڭىزداي ەلدەگى ساراپشىلار ىشكى نارىقتاعى جاعدايعا قاراپ پايىم جاساپ وتىر. قالاي دەگەندە دە، ءىلياس يسايەۆ ايتپاقشى، «الەمدىك نارىقتىڭ ىقپالىنان شىعا المايتىنىمىزدى» ۇمىتپايىق.

«توقسان اۋىز ءسوزدىڭ توبىقتاي ءتۇيىنى»: باعامعا باعا تاۋەلدى. «بيلىك «قىمباتشىلىق بولمايدى. ازىق-تۇلىك قورى ەلىمىزدە جەتكىلىكتى» دەگەن ەدى. سەندىك. زەينەتاقىما مىڭ جارىم تەڭگە قوسىلىپتى، وعان دا شۇكىر. الايدا اقپان ايىنداعى ديەۆالۆاتسيادان كەيىنگى قىمباتشىلىق ءالى توقتار ەمەس. سويتسەك، ساۋداگەرلەر «پەنسيا كوبەيدى عوي» دەيدى.

دوللار باعامى وسكەن كەزدەگى باعانىڭ قوسا كوتەرىلگەنىنە كوندىك، ال زەينەتاقىعا مىڭ جارىم تەڭگە قوسىلدى ەكەن دەپ ساۋداگەرلەردىڭ ازىق-تۇلىكتى قولدان قىمباتتاتقاندارىنا جول بولسىن! باقىلاۋ دەگەن بار ما مىنا ەلدە؟»، -  دەيدى رەنىشىن جاسىرا الماعان الماتىلىق اياۋلى داۋلەنحان.

ەگەر دوللار قىمباتتاسا، قالىڭ بۇقاراعا وڭاي سوقپايتىنى انىق. سول سەبەپتى دە، ۇكىمەتتىڭ «ۇندەمەي عانا ۇيدەي بالە شىعارىپ جۇرگەن» باعانى تەز ارادا قولعا الۋعا شىنداپ كىرىسكەندەرى دۇرىس بولار ەدى.

اۆتور: ءلاززات بيلان

«الاش ايناسى»

سوڭعى جاڭالىقتار