ولسەڭ ورتەلۋىڭ مۇمكىن

استانا. قازاقپارات - "كرەماتوري سالۋ تۋرالى شەشىم 2004 - جىلى الماتى قالاسى اكىمدىگىمەن شىعىپ تا قويعان.
None
None

قازىر وعان دايىندىق جۇمىستارى جۇرگىزىلىپ تە جاتىر" دەگەن "شىن. ك ز" ساكەن ورىنباسار ۇلىنىڭ وسى ماسەلەگە بايلانىستى ورامدى وي كوتەرگەن ماقالاسىن ۇسىنعان. وندا:

"الماتى قالاسى اكىمدىگى سايتىنىڭ "اكىمگە سۇراق" بولىمىنە وسى ماسەلەگە قاتىستى قالا تۇرعىنىنىڭ بىرىنەن تۇسكەن ساۋالعا اكىمشىلىكتىڭ بەرگەن جاۋابىن كولدەنەڭ تارتقىمىز كەلەدى. ساۋال يەسى حالىق سانى 1,5 ميلليوننان اساتىن الماتىنىڭ كۇننەن-كۇنگە ءوسىپ بارا جاتقانىن، سوعان سايكەس مارقۇمداردى جەرلەيتىن قورىمدار ءۇشىن جاڭادان جەر ءبولۋدىڭ وزەكتى جايت بولىپ تۇرعانىن ايتا كەلە، نەلىكتەن كرەماتوري سالماسقا جانە ونى بيۋدجەت شەڭبەرىندە جۇزەگە اسىرۋعا مۇمكىندىك جوق بولسا، نەگە جەكە كاسىپكەرلەرگە تاپسىرماسقا دەيدى.

بۇل سۇراققا شاھار باسشىلىعى "الماتى قالالىق ءدىني سالتتىق قىزمەت كورسەتۋ كومبيناتىنا كرەماتوري قۇرىلىسىنىڭ جوباسىن جاساپ ۇسىنۋ تاپسىرىلعان بولاتىن. سوعان سايكەس الماتى قالاسى الاتاۋ اۋدانىنداعى بورالداي قورىمى ماڭىنان، ادامدار تۇراتىن ايماقتان بەلگىلى ءبىر قاشىقتىق ساقتالا وتىرىپ 2 گەكتار جەر تەلىمى قاراستىرىلعان. جەر تەلىمىن انىقتاۋ سانيتارلىق-ەپيدەميولوگيالىق باعالاۋ تۇرعىسىنان جۇرگىزىلىپ، ينجەنەرلىك كوممۋنيكاتسياعا قوسىلۋ مۇمكىندىكتەرى ەسكەرىلگەن.

اتالمىش جەر تەلىمىندە كرەماتوري قۇرىلىسىنا جانە ونى جۇزەگە اسىرۋعا قاجەتتى تەحنيكالىق جاعدايدى باعالاۋ جۇمىستارى دا جۇرگىزىلگەن. گاز، جارىق پەن سۋ جۇيەسى سەكىلدى بارلىق كوممۋنيكاتسيالىق جەلىلەر ول جەردى بويلاي ورنالاسقان. سونداي-اق، "گيز ينجەنەرينگ" ج ش س-مەن جوبانىڭ تەحنيكالىق-ەكونوميكالىق نەگىزى جاسالدى" دەگەن جاۋابىن كەلتىرەدى. دەمەك، شەشىم شىققالى ون جىل وتسە دە كرەماتوري بوي كوتەرمەگەنىنە قاراپ، «سالىنبايتىن شىعار» دەگەن سوقىر سەنىمگە مالدانۋ بەكەرشىلىك.

ادام ءمايىتىن ورتەيتىن ورىن سالۋعا يتەرمەلەيتىن سەبەپ مارقۇم بولعانداردى جەرلەيتىن جەر قالماي بارادى-مىس. ۇلان-بايتاق جەرىمىزدىڭ ءۇستىن تولتىرا الماي جاتقانىمىزبەن، استىنا سيماي جاتىر ەكەنبىز. ءبىر كەزدەرى قالالىق اكىمشىلىك شاھار ماڭىندا ءۇي سالۋعا بەرىلەتىن جەر تەلىمى جەتىسپەيتىنىن ايتقان ەدى. ەكى ماسەلەنى وي ەلەگىنەن وتكىزىپ وتىرىپ، سوندا «جەر دە، كور دە قالماعان با؟» دەيسىڭ ەرىكسىز" دەپ تۇيەدى اۆتور ءسوزىن.

"بىرىنشىدەن، كرەماتوري جەر ۇنەمدەۋ ماسەلەسىن شەشەدى. ەكىنشىدەن، بىزدە قاڭعىباس يتتەردىڭ ولىگىن جويۋ ۇلكەن تۇيتكىل" دەپ باستالاتىن الماتى قالالىق سالتتىق قىزمەت كورسەتەتىن مەكەمە ديرەكتورىنىڭ ورىنباسارى مارات سمايىلوۆتىڭ ءسوزىن العا تارتقان اۆتور قاڭعىباس يتپەن تەڭەسكەن ادامنىڭ باسىن قورعاعىسى كەلەدى.

ونىڭ شاريعاتقا جات ەكەنىن قۇراننىڭ "تاھا" سۇرەسىنىڭ 55-اياتىندا ايتىلعان ادامنىڭ توپىراقتان جاراتىلعانى، ولگەندە توپىراققا قايتارىلاتىندىعى جايىنداعى ۇزىندىمەن ناقتىلاعىسى كەلەدى. ء"تىپتى، قازاقستان مۇسىلماندارى ءدىني باسقارماسىنىڭ ءتوراعاسى ەرجان مالعاجى ۇلى دا: «يسلامدا شاريعات بويىنشا ادامدى ورتەۋگە تىيىم سالادى. ونى جەر قوينىنا شاريعات بويىنشا تاپسىرۋ كەرەك. سوندىقتان، يسلام ءدىنى بويىنشا ادامدى ورتەۋگە رۇقسات جوق»، -  دەپ كرەماتسياعا قاتىستى پىكىر بىلدىرگەن" دەپ ولىكتى ورتەۋدىڭ يسلامعا جات ەكەنىن ايتقان ساكەن ورىنباسار ۇلىنىڭ جانايقايىن ءتۇسىنۋ ارينە ءدىلى قازاق، ءدىنى يسلام ازامات ءۇشىن قيىن ەمەس ارينە. ال، ءسىز نە دەيسىز، وقىرمان؟

e-islam.kz

سوڭعى جاڭالىقتار