قازاقستاندا شەكىلدەۋىك شاققاندار تۇرمەگە قامالۋدا

ولار كوشەگە تەمەكى تۇقىلىن تاستاپ، قوقىس شاشىپ، ءتىپتى، جۇرتتىڭ كوزىنشە دارەت سىندىرعان. ارالارىندا شەكىلدەۋىك شاعام دەپ باسى داۋعا قالعاندارى باسىم.
سۋديا زالعا ءبىر-بىرلەپ ەنگەندەردىڭ ءارقايسىسىنا 2 مينۋت ىشىندە جازا تاعايىنداپ جىبەردى. ءتىپتى ءتارتىپ ساقتاماعانداردى ساباسىنا ءتۇسىرىپ، جۇرت الدىندا ۇيالتۋ ءۇشىن سوت پروتسەسىنە ستۋدەنتتەر مەن وقۋشىلاردى شاقىرعان.
قوعامدىق ورىنداردا دارەت سىندىرعاندارعا دا جەڭىل جازا بولمايدى. ۇياتتان جۇرداي وتباسىلى ازاماتتار ەندى زاڭ الدىندا جاۋاپ بەرىپ، ءتىپتى 10 كۇنگە قامالادى. بىلاپىت سويلەپ، شەكىلدەۋىك شاققاندار دا از كۇن بولسا دا اباقتىنىڭ ءدامىن تاتادى.
قانات يماناليەۆ، استانا قالاسى ارنايى اۋدانارالىق سوتىنىڭ سۋدياسى:
- تاربيەلىك ءمانى بار. وسىنداي اشىق سوت پروتسەستەرىن جوعارى وقۋ ورىندارىندا قوعامنىڭ قاتىسۋىمەن ءجيى وتكىزىپ تۇرامىز. بۇل الداعى ۋاقىتتا ەسكەرتۋ رەتىندە جانە قۇقىق بۇزۋشىلاردى ازايتۋ ماقساتىندا جاسالۋدا.
24.kz