ازامات ءتاجياقوۆ ىسىندە كۋاگەرلەر بۇعان دەيىن ايتقاندارىنان باس تارتىپ جاتىر

استانا. قازاقپارات - ا ق ش سوتىندا ازامات ءتاجياقوۆ ىسىنە قاتىستى پروتسەسس جالعاسۋدا.
None
None

تىڭدالىمنىڭ ەكىنشى كۇنىندە پروكۋرورلار جاعىنان كەلگەن قوس كۋاگەر قازاق ستۋدەنتىنىڭ جوحار تسارنايەۆتىڭ سىبايلاسى ەمەس ەكەنىن دالەلدەگەندەي بولدى. اسىرەسە، فەدەرالدىق تەرگەۋ بيۋروسىنىڭ قىزمەتكەرلەرى باستاپقى ايتقاندارىنان اينىپ، ابدەن ساسقان.

ماسەلەن، كوپتى تاڭ قالدىرعانى: ءىستىڭ اۋقىمدىلىعىنا قاراماستان تەرگەۋدىڭ ەشبىرى تاسپاعا جازىلماعاندىعى. ال تەرگەۋشىلەر باستاپقىدا ءتاجياقوۆ جارىلعىش تولى سومكەنى جاسىرعانىن مويىندادى دەسە، بۇگىنگى سوتتا سول جاۋاپتارىنان جاڭىلدى.

ەكىنشى كۋاگەر رەتىندە تسارنايەۆتىڭ جاتاقحانادا بىرگە تۇرعان كورشىسى شاقىرتىلعان ەكەن. ەندريۋ دۆيننەلستىڭ سوزىنشە، ازاماتقا ەمەس، ول باسقا بىرەۋگە ەسىك اشقان. ءسويتىپ، كەلگەن كىسى بولمەدەن ماريحۋانانى عانا الىپ كەتىپتى. وسىلايشا ەكى كۇندە شاقىرىلعان 6 كۋاگەر دە قازاق ستۋدەنتىنىڭ كىناسىزدىگىن ايقاقتاعانداي بولدى. تىڭدالىم ەكى اپتادان سوڭ اياقتالادى دەپ كۇتىلۋدە. ال 8- قىركۇيەكتە ەكىنشى جەرلەسىمىزدىڭ سوتى باستالۋى ءتيىس.

اركاديي بۋح، ازامات ءتاجياقوۆتىڭ ادۆوكاتى:

- تەرگەۋشىلەر ازاماتقا قىسىم كورسەتكەن. ونى اگەنتتىڭ ءبىرى مويىنداپ قالدى. 4 ساعات جالاڭاش ۇستاپ، ابدەن قيناعان. ونىڭ ۇستىنە، تەرگەۋشىلەر باستاپقىدا پروكۋرورلارعا بەرگەن سوزىنەن جاڭىلىپ وتىر.

ktk.kz

 

سوڭعى جاڭالىقتار