ا ە ف داۆوس فورۋمى سەكىلدى الەمدىك بيزنەس-شارالارمەن باسەكەلەسە الادى - پرەزيدەنت پوشتاسىنان
حالىقارالىق كونسۋلتاتيۆتىك كەڭەستىڭ مۇشەلەرى - اۆستريا رەسپۋبليكاسىنىڭ ەكس-فەدەرالدىق كانتسلەرى الفرەد گۋزەنباۋەر مەن ەۆروپالىق كوميسسيانىڭ ەكس-ءتوراعاسى جانە يتاليانىڭ بۇرىنعى پرەمەر-ءمينيسترى رومانو پرودي ءوز حاتتارىندا وسىنشاما اۋقىمدى ءىس-شارانىڭ وتۋىمەن قۇتتىقتاعان، سونداي-اق فورۋم بارلىق جەردە قۇرمەتكە يە بولعانىن، الەمدىك كوشباسشىلار مەن جەتەكشى ساراپشىلار اراسىندا بارعان سايىن زور قىزىعۋشىلىق تۋعىزىپ وتىرعانىن اتاپ وتكەن.
«قازاقستان ءوز موينىنا يگى مىندەتتى - الەمدى ەكونوميكالىق جانە الەۋمەتتىك پروبلەمالار تاقىرىبىنداعى، ءبىزدىڭ ويىمىزشا، قاجەتتى الەۋەتكە يە جانە قازىرگى كەزدە ءتيىمدى حالىقارالىق جانە ەكونوميكالىق تەتىككە اينالعان قىزۋ پىكىرتالاستار وتكىزۋگە ارنالعان الاڭمەن قامتاماسىز ەتۋ مىندەتىن الىپ وتىر»، - دەلىنگەن حاتتا.
حورۆاتيا ەكس-پرەزيدەنتى س. مەسيچ استانا فورۋمىنىڭ مەيلىنشە وزەكتى الەۋمەتتىك-ەكونوميكالىق ماسەلەلەردى تالقىلاۋداعى ماڭىزدى ءرولىن اتاپ كورسەتكەن.
«استانا ەكونوميكالىق فورۋمىنىڭ ماڭىزدىلىعى الدا دا ارتا تۇسەتىن بولادى، ويتكەنى ول تەك ەكونوميكالىق قانا ەمەس، الەۋمەتتىك-ساياسي ماسەلەلەردى دە قوزعايدى. فورۋم جانە داعدارىسقا قارسى دۇنيەجۇزىلىك كونفەرەنسيا ب ۇ ۇ كومەكتەسكەن جاعدايدا الەمدىك داعدارىس ماسەلەلەرىن شەشۋگە ارنالعان الاڭعا اينالۋى مۇمكىن»، - دەپ جازادى س. مەسيچ.
بولگاريا رەسپۋبليكاسىنىڭ ەكس-پرەزيدەنتى، ۆەناداعى جاھاندىق ديالوگ جانە ىنتىماقتاستىق ورتالىعىنىڭ پرەزيدەنتى پ. ستويانوۆ استانا ەكونوميكالىق فورۋمىن الەمدەگى نەگىزگى ەكونوميكالىق وقيعا ساناتىنا جاتقىزادى، سونداي-اق قازاقستان پرەزيدەنتىنىڭ G-Global جوباسىن ىلگەرىلەتۋ جونىندەگى باستامالارىن قولدايدى.
«مەن جاھاندىق قارجى- ەكونوميكالىق داعدارىس تۇيتكىلىن شەشۋ باعىتىندا داعدارىسقا قارسى جاڭا شارالاردى ازىرلەۋگە ارنالعان دەموكراتيالىق ديالوگتىڭ جاڭا ءتۇرىن قالىپتاستىرۋعا دەگەن ءسىزدىڭ وراسان ۇمتىلىسىڭىزدى جوعارى باعالايمىن»، - دەپ جازادى اۆتور.
ارمەنيا رەسپۋبليكاسىنىڭ ەكس- پرەمەر-ءمينيسترى ت. سارگسيان دا ءوز قۇتتىقتاۋىن جولداعان، ول بۇل فورۋمنىڭ بارلىق وڭىرلىك ينتەگراتسيالىق ۇدەرىستەردى جاھاندىق اۋقىمدا قاراستىرۋعا مۇمكىندىك بەرەتىنى جونىندەگى پىكىرىن بىلدىرگەن.
«G-Global يدەياسىنا قاتىستى الساق، مەنىڭ ويىمشا، ءبىز ءدال وسىنداي رەفورماشىل جاڭا يدەيالار قاجەت ۋاقىتتا ءومىر ءسۇرىپ وتىرمىز، ويتكەنى ەسكى قۇرىلىمدار، فورماتتار كۇتىلگەن شەشىمدەر مەن ۇسىنىمداردى العا شىعارسا، ال جاڭا پلاتفورما قالىپتاستىرۋ - ءوتىپ جاتقان ۇدەرىستەرگە دەگەن تىڭ كوزقاراس. ءسىرا، وڭىردە دە، الەمدە دە الدىمىزدا تۇرعان پروبلەمالاردى شەشۋدىڭ قالىپتان تىس جولدارىن تابۋعا وسى كومەكتەسەتىن بولار»، - دەلىنگەن حاتتا.
پولشا رەسپۋبليكاسىنىڭ ەكس-پرەمەر-ءمينيسترى، قازاقستان-پولشا ساۋدا پالاتاسىنىڭ پرەزيدەنتى ك. مارتسينكيەۆيچ فورۋمنىڭ مەيلىنشە ماڭىزدى سيپاتى رەتىندە ءتۇرلى ەلدەردەن كەلگەن ادامدار اراسىنداعى ديالوگتى اتايدى.
«بۇل جاي داعدارىسقا قارسى فورۋم عانا ەمەس، تاريحي وقيعا ەكەنىن اتاپ ايتقىم كەلەدى. استانا ەكونوميكالىق فورۋمى تەك قازاقستان ءۇشىن ەمەس، ءبىزدىڭ بارشامىز ءۇشىن دە وتە ماڭىزدى»، - دەپ جازادى اۆتور.
ب ۇ ۇ باس حاتشىسىنىڭ ورىنباسارى جانە باس حاتشىنىڭ شىعىس تيمور بويىنشا ارناۋلى كەڭەسشىسى ن. حەيزەر بۇل فورۋم قازىرگى الەم بەتپە-بەت كەلىپ وتىرعان مىندەتتەردى شەشۋ ءۇشىن بۇگىنگى زامان ويشىلدارىنىڭ باسىن قوسقانىن ايتىپ وتكەن.
«ءسىزدىڭ باسشىلىعىڭىزبەن ەۋرازيا قۇرلىعىندا جاھاندىق قاتەرلەردى تالقىلايتىن اسا قاجەتتى پلاتفورما قالىپتاستى»، - دەلىنگەن حاتتا.
ب ۇ ۇ باس حاتشىسىنىڭ ورىنباسارى، دامۋى مەيلىنشە تومەن ەلدەر، تەڭىزگە شىعۋ مۇمكىندىگى جوق دامۋشى ەلدەر جانە شاعىن ارالدار مەملەكەتتەرى جونىندەگى جوعارى وكىل گ. اچاريا قازاقستان پرەزيدەنتىنىڭ استانا ەكونوميكالىق فورۋمىن وتكىزۋ تۋرالى يدەياسى دەر كەزىندە جۇزەگە اسقانىنا نازار اۋداردى.
«بۇل فورۋم ىنتىماقتاستىققا سەپتىگىن تيگىزەتىن ديالوگ قۇرۋ، جاھاندىق ەكونوميكالىق پروبلەمالاردى جاقسى ءتۇسىنۋ جانە تالداۋ تۇرعىسىنان ماڭىزدى مانگە يە»، - دەلىنگەن حاتتا.
جاھاندىق ديالوگ جانە ىنتىماقتاستىق ورتالىعىنىڭ باس حاتشىسى س. ستانچيەۆ بىرلەسكەن جۇمىسقا قاتىستى مىندەتتەمەلەردى ماقۇلداي وتىرىپ، قازاقستان پرەزيدەنتىنە ورتالىقتى «الەۋمەتتىك بيزنەس-ديالوگتى جاقسارتۋ» اتالىمى بويىنشا ماراپاتتاۋ راسىمىنە قاتىسقانى ءۇشىن العىسىن ايتادى.
نوبەل سىيلىعىنىڭ لاۋرەاتى س. تيماشيەۆ اەف وسى باعىتتاعى ءىس-شارالار ءۇشىن ءپىشىنى مەن مازمۇنى تۇرعىسىنان بيىك مەجە بولعانىن ايتادى.
«استانا فورۋمى ءوزىنىڭ سالىستىرمالى تۇردە كەيىنگى جىلداردا باستاۋ العانىنا قاراماستان، ءقازىردىڭ وزىندە قازاقستان مەن دوستاستىق ەلدەرى عانا ەمەس، ەۋرازيالىق ەكونوميكالىق وداق ءۇشىن دە ايشىقتى قۇبىلىس بولىپ، الەمدىك ۇردىستەردىڭ ءمان- جايىن تەز ۇعىنۋعا بولاتىن، بولاشاق سەرىكتەستەرمەن تانىساتىن، ادامزات دامۋىنىڭ ىقتيمال جولدارى تۋرالى ءوز پىكىرىن ايتاتىن، الەمدىك بيزنەس، يننوۆاتسيا، عىلىم جانە ءبىلىم ءۇشىن تارتۋشى ماگنيتكە اينالدى»، - دەپ جازادى اۆتور.
ك. ۆيۋتريح، ف. كيدلاند، ر. اۋمان، م. يۋنۋس، دجوردج ف. سمۋت، ە. ماسكين، ك. پيسساريدەس جانە ا. ۆارشەل سياقتى نوبەل سىيلىعىنىڭ وزگە دە لاۋرەاتتارى ءوز حاتتارىندا فورۋمعا قاتىسۋ مۇمكىندىگىنە يە بولعانى ءۇشىن العىستارىن ءبىلدىرىپ، ءىس- شارانىڭ جوعارى دەڭگەيدە ۇيىمداستىرىلعانىن، كۇن ءتارتىبىنىڭ جان-جاقتى ءارى مازمۇندى بولعانىن اتاپ وتكەن.
«كەننەدي مەرچانت پارتنەرس» كومپانياسىنىڭ نەگىزىن قالاۋشى م. كەننەدي ا ە ف داۆوس جانە بريۋسسەل فورۋمى سەكىلدى الەمدىك بيزنەس-شارالارمەن باسەكەلەسە الادى دەگەن پىكىر ايتقان.
Celluci Associates كومپانياسىنىڭ ءتوراعاسى ت. سەللۋچي G-Global اقپاراتتىق-كوممۋنيكاتيۆتىك الاڭىن قۇرۋ يدەياسى جاڭا تەحنولوگيالاردى قولدانۋ ارقىلى ءومىردىڭ بارلىق سالاسىنداعى جاھاندىق ماسەلەلەردى ەڭسەرۋگە سەپتىگىن تيگىزە الاتىن باتىل ءارى دۇرىس شەشىم ەكەنىن اتاپ وتكەن.
قۇتتىقتاۋلارى مەن جىلى لەبىزدەرىن جولداعانداردىڭ قاتارىندا سونداي- اق ب ۇ ۇ باس اسسامبلەياسىنىڭ 67-توراعاسى ۆ. ەرەميچ، حالىقارالىق ۆاليۋتا قورىنىڭ اتقارۋشى ديرەكتورى د. حەللەر، ەۋروپا قايتا قۇرۋ جانە دامۋ بانكىنىڭ تۇركيا، شىعىس ەۋروپا، كاۆكاز جانە ورتالىق ازيا ەلدەرى جونىندەگى باسقارۋشى ديرەكتورى و. دەكامپ، مايكروسوفتىڭ ورتالىق جانە شىعىس ەۋروپا ەلدەرىندەگى ديرەكتورى، باس مەنەدجەر ت. حيرانو، دۇنيەجۇزىلىك ساۋدا ۇيىمى باس ديرەكتورىنىڭ ورىنباسارى د. شارك، سالىق جانە ينۆەستيتسيالاردىڭ حالىقارالىق ورتالىعىنىڭ (ا ق ش) پرەزيدەنتى د. ۋيتت، حالىقارالىق ساۋدا ورتالىعىنىڭ اتقارۋشى ديرەكتورى ا. گونسالەس، ونەرتاپقىش ايەلدەر مەن كاسىپكەرلەردىڭ دۇنيەجۇزىلىك قاۋىمداستىعىنىڭ پرەزيدەنتى م. حان، Xerox كومپانياسىنىڭ ۆيتسە-پرەزيدەنتى چ. برۋكس جانە CBS News ۆيتسە-پرەزيدەنتى ش. حەربەرت بار.
