باقتيار ارتايەۆ وزىنە قاتىستى داۋلى وقيعا جونىندە تۇسىنىك بەردى

ارتايەۆتىڭ سوزىنشە، دوسى ەكەۋى بي الاڭىندا كەلە جاتقان. ارتقى جاقتان ايقايلاعان قىزدىڭ داۋىسى ەستىلگەن. بۇرىلىپ قاراسا، دوسى ءىشىپ العان قىزدىڭ قولىنان ۇستاپ تۇر ەكەن.
بوساتقان ۋاقىتتا بەيتانىس قىز باقتياردى بالاعاتتاپ، ىشىنەن تەۋىپ جىبەرگەن. ول سەبەپسىز ۇرىس- كەرىس شىعارعان قىزدى كەرى يتەرىپ جىبەرىپ، جونىنە ءجۇرىپ كەتكەن.
باقتيار ارتايەۆ، وليمپيادا چەمپيونى:
جالعان اقپاراتپەن مەنىڭ اتىما كۇيە جاعىپ جاتىر. تەرگەۋ امالدارى جۇرگىزىلىپ بولعان سوڭ، ناقتى شەشىم شىققاننان كەيىن ونىڭ ءبارى انىقتالادى. مەنىڭ بەتىمدە قازىر داق تۇر، وڭ كوزىمنىڭ استىنىڭ تۇسىندا. ول سول قىزدىڭ ءىسى دەپ ايتقىم كەلەدى. ول تەپكەن كەزدە اياعىن ۇستاپ ۇلگەردىم، قولىن ۇستاپ ۇلگەرگەن جوقپىن. اشۋلانعاننان يتەرىپ جىبەردىم دە، بۇرىلىپ كەتىپ قالدىم. سەزىپ تۇردىم، بۇل قىز ارەكەتكە شاقىرعىسى كەلىپ تۇرعانىن.
ەستەرىڭىزگە سالامىز، 29- ماۋسىم كۇنى استانا قالاسى ىشكى ىستەر دەپارتامەنتىنە ايسۇلۋ ىبراشوۆا اتتى قالا تۇرعىنى شاعىم تۇسىرگەن. ونىڭ سوزىنشە، ماۋسىم ايىنىڭ 28 ىنەن 29 ىنا قاراعان ءتۇنى استانا قالاسىنداعى تۇنگى كلۋبتاردىڭ بىرىندە بوكستان وليمپيادا چەمپيونى باقتيار ارتايەۆ ونىڭ بەتىنەن ۇرعان.
قازىر اتالمىش وقيعاعا بايلانىستى تەكسەرۋ امالدارى ءجۇرىپ جاتىر، ناتيجەسى ءبىر ايدىڭ ىشىندە بەلگىلى بولادى. ال، كلۋب كۇزەتشىلەرى قىزدىڭ ايتقان ءسوزىن جوققا شىعاردى.
ساكەن سەيىتحان ۇلى
«قازاقستان» تەلەارناسى