استانادا الپىسقا جۋىق قالىڭدىق كەلىندەر شەرۋىنە قاتىستى - فوتو

استانا. قازاقپارات - بۇگىن استانادا ەلوردا كۇنىنە وراي 60 قا جۋىق قالىڭدىق اق كويلەكتەرىن كيىپ، «كەلىندەر شەرۋىنە» قاتىستى.
None
None

 كۇنى بويى ليمۋزيندەرمەن جانە ءۇستى اشىق ەكى قاباتتى اۆتوبۋسپەن قالانى ارالاعان ولار كەشكە قاراي «استانا وپەرا» تەاترىنىڭ الدىنا جينالىپ، سالتاناتتى شەرۋدىڭ شەشۋشى ساتىنە قاتىستى.

«بۇل شارا ەڭ الدىمەن وتباسىلىق قۇندىلىقتاردى ناسيحاتتايدى. ءبىزدىڭ ويىمىزشا ۇيلەنۋ تويى دەگەن ءار ادامنىڭ ومىرىندە تەك ءبىر رەت قانا بولۋ كەرەك. كەلىندەر شەرۋىنە بارلىعى 58 قالىڭدىق قاتىسۋدا. بۇعان كەز كەلگن قالاۋشى قاتىسا الادى. ولاردىڭ جارتىسىنا جۋىعى وتباسىن قۇرعان ايەلدەر، ال قالعان جارتىسى ەندى كەلىن بولۋعا دايىندالىپ جۇرگەن قىزدار.

 شارانىڭ ەڭ ۇلكەن قاتىسۋشىسى 42 جاستا. ولار وزدەرىنىڭ ومىرىندەگى ەڭ عاجايىپ ساتتەردى ەسىنە العىلارى كەلەدى. سوندىقتان ءبىز ولارعا قولىمىزدان كەلگەننىڭ بارلىعىن جاساۋدامىز»، - دەيدى شارانى ۇيىمداستىرۋشى قانات اياعانوۆ.

ۇيىمداستىرۋشىلاردىڭ ايتۋىنشا بۇگىندە ءدال وسى كەزەڭ ۇيلەنۋ تويلارىنىڭ مەرزىمىنە اينالعان. ەلورداداعى ءىرى ۇيلەنۋ تويى سالوندارىنىڭ ءبىرىن باسقارىپ وتىرعان ايگەرىم ابەنوۆا استانالىق قالىڭدىقتاردىڭ قازىر قانداي توي كويلەگىن قالايتىنىن ايتىپ بەردى.

«ءسان ۇلگىسى ءسات سايىن وزگەرىپ وتىرادى. سوندىقتان بۇل ءۇردىس ۇيلەنۋ تويىنا ارنالعان كويلەكتەردى دە اينالىپ وتپەيدى. قازىرگى قالىڭدىقتار كوبىنە اشىق-شاشىق ەمەس، مەيلىنشە سىپايى، جابىق كويلەكتەردى تاڭدايدى. سونىمەن قاتار، بۇگىندە ءداستۇرلى اق ءتۇستى ايۆوري ءتۇسى ىعىستىرىپ بارادى. سونداي-اق قازىر توي كويلەگىن جالعا الۋدا ازايعان، كوبى ساتىپ الادى. نەگىزىنەن جاقسى كويلەكتەردىڭ باعاسى 150 مىڭ تەڭگەدەن باستالادى»، - دەيدى ول.

01

02

03

04

05

06

07

09

010

null

سوڭعى جاڭالىقتار