ەلباسى ە. شيەۆاردنادزەنىڭ قايتىس بولۋىنا بايلانىستى مارقۇمنىڭ وتباسىنا كوڭىل ايتتى

استانا. قازاقپارات - قازاقستان پرەزيدەنتى نۇرسۇلتان نازاربايەۆ گرۋزيانىڭ ەكس-پرەزيدەنتى ەدۋارد شەۆاردنادزەنىڭ قايتىس بولۋىنا بايلانىستى مارقۇمنىڭ وتباسىنا كوڭىل ايتۋ جەدەلحاتىن جولدادى.

 بۇل تۋرالى اقوردانىڭ باسپاءسوز قىزمەتىنەن حابارلادى. 

جەدەلحاتتا ەدۋارد امۆروسيەۆيچ شەۆاردنادزەنىڭ دۇنيە سالعانى تۋرالى قارالى حاباردى نۇرسۇلتان نازاربايەۆتىڭ كۇيزەلە قابىلداعانى ايتىلعان.

مەملەكەت باسشىسى گرۋزيانىڭ ەكس-پرەزيدەنتىنىڭ تۋعان-تۋىستارىنا شىن كوڭىلدەن قايعىرا كوڭىل ايتىپ، ە.شەۆاردنادزە ءوز وتانىنىڭ يگىلىگى ءۇشىن وراسان كوپ ءىس اتقارعان گرۋزين حالقىنىڭ اسا كورنەكتى وكىلى، كورەگەن ساياساتكەر بولعانىن اتاپ وتكەن.

«كاسىپقويلىعى جانە ىسىنە ادالدىعى، تاماشا ادامگەرشىلىك قاسيەتتەرى ونى بىلەتىندەردىڭ بارشاسىنىڭ شىنايى قۇرمەتىنە بولەدى. ە.ا.شەۆاردنادزەنىڭ جارقىن بەينەسى ءاردايىم بىزدىڭ جۇرەگىمىزدە ساقتالادى»، - دەلىنگەن جەدەلحاتتا.