13:56, 06 - شىلدە 2014 | GMT +5
ەرجۇرەك ايەل استانا ماڭىندا بولعان ورتتەن ەكى ەر ادامدى امان الىپ قالدى
استانا. قازاقپارات - سەنبى، كەشكە قاراي استانا ماڭىنداعى قوسشى اۋىلىنداعى مەشىتكە جاقىن جەردە قۇرىلىسشىلار تۇرىپ جاتقان ۆاگون وتقا وراندى.
«مەن كوشەدە كيىم-كەشەكتەردى جايىپ تۇرعان ەدىم، سول كەزدە ۆاگوننان شىققان ءتۇتىن مەن ونىڭ ەسىگىنىڭ جانىپ جاتقانىن بايقاپ قالدىم. ودان كەيىن ءبارى قاس-قاعىم ساتتە بولدى»، - دەدى قازاقپارات تىلشىسىنە ە س-166/22 تۇزەتۋ مەكەمەسىنىڭ قىزمەتكەرى رايسا كالەنوۆا.
لەيتەنانت ر. كالەنوۆا شۇعىل ۇيالى تەلەفون ارقىلى ءورت ءسوندىرۋ ءبولىمىن شاقىرىپ، ال ءوزى وتقا ورانعان ۆاگونعا قاراي جۇگىرگەن.
ەرجۇرەك ايەل دەر كەزىندە كومەككە ۇلگەرىپ، لاپىلداعان جالىنعا قاراماستان ەكى ەر ادامدى الىپ شىققان. ىزىنشە گاز باللونى جارىلىپ، ۆاگوننىڭ توبەسىن جۇلىپ كەتكەن.
