بيىل «قازاقستان بارىسى» اتانعان مۇحيت تۇرسىنوۆ ماگيسترلىك ديپلوم الدى

الماتى. قازاقپارات - بۇگىن قازاق سپورت جانە تۋريزم اكادەمياسىنىڭ ماگيستراتۋراسىن بىتىرۋشىلەرگە ديپلومدار تابىستالدى.
None
None

وقۋ ورنىن ءتامامداعانداردىڭ ىشىندە «قازاقستان بارىسى-2014» دوداسىنىڭ جەڭىمپازى مۇحيت تۇرسىنوۆ، بەيجىڭ وليمپياداسىنىڭ قولا جۇلدەگەرى نۇرباقىت تەڭىزبايەۆ، قازان ۋنيۆەرسياداسىنىڭ قولا جۇلدەگەرى ءاليحان جۇمايەۆ، سامبودان 2014 - جىلعى قازاقستان چەمپيونى التىناي بالتينا بار.

«بىزدە بىرنەشە وليمپيادا چەمپيونى بار. ال قازاقستان بارىسى جالعىز»، - دەدى وقۋ ورنىنىڭ رەكتورى زاكيريانوۆ قايرات بالۋانعا ديپلومدى تابىستاي وتىرىپ.

ايتا كەتەيىك، مۇحيت تۇرسىنوۆ سەمەي مەملەكەتتىك ۋنيۆەرسيتەتىنىڭ دەنە تاربيەسى جانە سپورت كافەدراسىندا مۇعالىم بولىپ قىزمەت ەتەدى.

بۇگىن وعان اكادەميا رەكتورى تاراپىنان «ۇلتتىق سپورت» كافەدراسىنا مۇعالىم رەتىندە ورنالاسۋ ۇسىنىلدى.

مۇحيت ءوزىنىڭ دوكتورانتۋراعا تۇسۋگە اسىقپايتىنىن ايتتى.

«الدا ءالى ازيا چەمپيوناتى، ەۋرازيا بارىسى سياقتى ءدۇبىرلى دودالار بار. سوعان دايىندالۋىم كەرەك. وسى جولى قازاقستان باراسىنا قاتىساتىن كەزدە سوڭعى 3-4 اي ساباقتان قالۋىما تۋرا كەلدى. ارينە، مۇعالىمدەردىڭ كەلىسىمىمەن»، - دەدى بالۋان.

سونىمەن قاتار، سپورتشى تۋرنيردە جەڭىپ العان اقشاسىن قايدا جۇمسايتىنىن ايتتى.

«مەن 150 مىڭ دوللاردى ءوزىمنىڭ اتا-اناما، مەنىڭ وسى دەڭگەيگە جەتۋىمە ۇلەس قوسقان ادامدارعا بەرەمىن. مەنى اكەم مەن ەربول مىرزاعاسىنوۆ دەگەن باپكەرىم ءتورت جىل بوي ۇزدىكسىز دايىندادى. ول كىسى بۇكىل قارسىلاسىمدى تاسپاعا ءتۇسىردى. ولاردىڭ ارقاسىندا مەنىڭ ءار قارسىلاسىما پايدالاناتىن وزىندىك تاكتيكام بولدى. ول سپورتشىلارمەن ۇنەمى كەزدەسىپ ءجۇرمىز عوي. ءبىراق، وسى جولى مەنىڭ بەيبىت ىستىبايەۆتى جەڭە الاتىنىمدى دالەلدەگىم كەلدى»، - دەدى سپورتشى.

اۆتور: گۇلميرا عوسمانالي

سوڭعى جاڭالىقتار