15:48, 06 - شىلدە 2014 | GMT +5
ەل باسشىلىعىنىڭ وكىلدەرى ن. نازاربايەۆتى تۋعان كۇنىمەن جانە استانا كۇنى مەرەكەسىمەن قۇتتىقتادى
استانا. قازاقپارات - ەل باسشىلىعى استانا كۇنى مەرەكەسىندە ەلباسىمەن كەزدەستى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا ەل باسشىلىعىنىڭ وكىلدەرى نۇرسۇلتان نازاربايەۆتى تۋعان كۇنىمەن جانە استانا كۇنى مەرەكەسىمەن قۇتتىقتاپ، باق-بەرەكە، مىقتى دەنساۋلىق جانە جۇمىستا تابىس تىلەدى. سونداي-اق استانا مەن بۇكىل ەلدى قارىشتاپ دامىتۋداعى مەملەكەت باسشىسىنىڭ جەكە ۇلەسى اتاپ ءوتىلدى.
جىلى سوزدەر مەن تىلەكتەرگە ريزاشىلىعىن بىلدىرگەن قازاقستان پرەزيدەنتى ەل ىشىندە جانە حالىقارالىق ارەنادا جەتكەن ەلەۋلى جەتىستىكتەر تاۋەلسىزدىكتىڭ العاشقى كۇنىنەن باستاپ وسى باعىتتا ماقساتتى تۇردە قىزمەت ەتكەن بارشانىڭ ەڭبەگى ەكەنىن اتاپ ايتتى.