ەلباسى مەملەكەتتىك تۋدى كوتەرۋ سالتاناتتى راسىمىمەن استانا كۇنىن باستاپ بەردى

«تاۋەلسىزدىگىمىزدىڭ تىرەگى، ەلىمىزدىڭ جۇرەگى استانامىزعا بيىل 16 جىل تولادى. وسىنداي تاريحتاعى قاس قاعىم ۋاقىتتا زور جەتىستىكتەرگە جەتتىك. بولاشاقتى باعدارلاپ، ەسىلدىڭ بويىندا ەل قوندىرعان ەڭبەگىمىز اياقتالدى. استانا تاتۋلىق پەن تۇراقتىلىقتىڭ قۇتتى ورداسىنا اينالدى. قازىر ەلوردا ەۋرازيا كەڭىستىگىندەگى ينتەگراتسيالىق ءۇردىستىڭ بەسىگى بولىپ وتىر. بۇل ەل تاريحىنا، ەلوردا جىلناماسىنا جازىلاتىن وتە بەلگىلى وقيعا. ەلوردا مەرەكەسى قارساڭىندا مەملەكەتتىك تۋىمىزدى كوتەرۋ ءراسىمى - ءبىز ءۇشىن وسىنداي تابىستىڭ ءبىرى» ، - دەدى مەملەكەت باسشىسى.
وسى ورايدا پرەزيدەنت ەلوردا كۇنى قارساڭىندا قالا اسپانىندا قىران بەينەلى بايراعىمىزدى كوتەرۋ داستۇرگە اينالعاندىعىن قاداپ ايتتى.
«كوكتە جەلبىرەگەن كوك بايراعىمىز مەرەيىمىزدى اسىرىپ، رۋحىمىزدى بيىكتەتەتىن كيەلى ءرامىزىمىز بولىپ سانالادى. ال قازاقستاندى كەمەل كەلەشەككە باستاعان استانا - ءبىزدىڭ قاستەرلى بويتۇمارىمىز. ءارۋاقىتتا بايراق، تۋ ەلدىڭ قولىنا ۇستايتىن، قارۋلى كۇشتەردىڭ پانالايتىن، باعالايتىن ەلدىكتىڭ ءرازىمى بولىپ سانالادى» ، - دەدى ەلباسى.
اۆتور: ءابۋ- اسقار مەكەش ۇلى