ادامدار ءوزىنىڭ سۇيىكتى ىسىمەن اينالاسۋى ءۇشىن استانادا بارلىق جاعدايلار جاسالعان

استانا. قازاقپارات - ادامدار ءوزىنىڭ سۇيىكتى ىسىمەن اينالاسۋى ءۇشىن استانادا بارلىق جاعدايلار جاسالعان.
None
None

بۇل تۋرالى قازاقپارات اگەنتتىگىنىڭ تىلشىسىنە بەرگەن سۇحباتىندا «استانا- وپەرا» وپەرا جانە بالەت تەاترىنىڭ بالەت ءارتىسى ايدىس سايا ايتتى. ول بۇگىندە ەلورداعا تىۆا رەسپۋبليكاسىنان كەلىپ، جۇمىس ىستەپ جاتىر.

«مەن وسىمەن ەكىنشى جىل استانادا جۇمىس ىستەپ جاتىرمىن. وتكەن جىلى كونكۋرسقا قاتىسۋعا كەلىپ، ودان ءساتتى ءوتىپ كەتتىم. وسىدان كەيىن بۇل تاماشا تەاتردا جۇمىسىمدى باستادىم.

اتاپ ايتقاندا، ماعان وسىندا وتە قاتتى ۇنادى جانە كەلىسىمشارتتى ەكىنشى جىلعا ۇزارتتىم. بۇرىندارى وسىنداي كەرەمەت قالا مەن ادەمى ۇلكەن تەاتر بار ەكەنىن بىلمەپپىن. العاش كەلگەن كەزدە مەن ءوزىمدى ەۋروپاعا ساپارلاعانداي سەزىندىم. قالا وتە اسەم، قازىرگى زامانعى ناقىشتا سالىنعان. اسىرەسە، ءبىزدىڭ تەاترمەن تاڭدانۋعا بولادى. بۇل جەردە ادامدار ءوزىنىڭ سۇيىكتى ىسىمەن اينالىسۋى ءۇشىن بارلىق جاعدايلار جاسالعان» ، - دەيدى ايدىس ساايا.

ونىڭ سوزىنە قاراعاندا، استانادا وعان جەرگىلىكتى تۇرعىنداردىڭ قوناقجايلىلىعى قاتتى ۇناعان.

«مەنى وسىندا جىلى قابىلدادى. ەڭ جاقسىسى - قالاداعى ادامدار وزدەرىن دامىتۋعا ەرەكشە ءمان بەرەدى جانە ونى كۇندەلىكتى بارلىق جەردەن بايقاۋعا بولادى. بارشا قازاقستاننىڭ گۇلدەنە بەرۋىن تىلەيمىن، سونداي- اق وسى ەلدەگى تىنىشتىق پەن بەيبىتشىلىك ءارقاشان دا باياندى بولسىن!» ، - دەپ ءتۇيدى ا. ساايا.

اۆتور:   رۋسلان عابباسوۆ

سوڭعى جاڭالىقتار