باحتيار ارتايەۆتىڭ قىزدى ۇرعانىنا سەنبەيمىن - ا. ماحمەتوۆ

استانا. قازاقپارات - «مەن باحتيار ارتايەۆتىڭ قىزدى ۇرعانىنا سەنبەيمىن»، - دەدى «سامۇرىق-قازىنا» ۇلتتىق ءال-اۋقات قورىنىڭ قوعاممەن بايلانىس دەپارتامەنتى ديرەكتورى جانە «استانا» مەملەكەتتىك قورعانشىلىق جانە قامقورشىلىق جونىندەگى مەكەمەسىنىڭ مۇشەسى ايدار ماحمەدوۆ Vesti.kz سايتىنا بەرگەن سۇحباتىندا.
None
None

«سەبەبى، مەن باحتياردى جاقسى تانيمىن. ءبىر جىل كولەمىندە ونىمەن تىعىز جۇمىس جاسادىم. ول سابىرلى، قايىرىمدى جان. قىزبالىققا سالىنعانىن كورگەنىم جوق. ءوزى تۋرالى بۇل داۋلى اقپاراتتى كەشە وعان ءبىرىنشى حابارلادىم، ويتكەنى ول تارازعا كەتىپ قالعان بولاتىن. مەن ءتىپتى بۇل كەلەڭسىز جايعا سەنبەيمىن دە. باحتياردىڭ ءوزى دە قول كوتەرمەگەنىن ايتتى. ءوزىڭىز ويلاڭىزشى، ول وليمپيادا چەمپيونى، ونىڭ جۇدىرىعى قاتتى، سوققىسى اۋىر ەمەس پە؟! ەندى ول قىزدى ۇردى دەگەنگە ءوز باسىم سەنە المايمىن»، - دەدى ايدار ماحمەتوۆ.

ونىڭ ايتۋىنشا، جاعداي بۇدان دا ۋشىقپاس ءۇشىن وليمپيادا چەمپيونى ەندى «جابىرلەنۋشىمەن» سويلەسپەك. بۇل داۋلى ماسەلە كوپ ۇزاماي باسىلادى دەگەن ويدامىن.

«تۇيمەدەيدى تۇيەدەي» قىلاتىنداردى تۇسىنبەيمىن. ءيا، باحتياردىڭ سول ءبي الاڭىندا بولعانى راس. ءبىراق، اركىم ءوز قابىلەتىنە قاراي بيلەيدى عوي، ءبي كەزىندەگى بىرەۋلەردىڭ قيمىل-ارەكەتىن داۋعا اينالدىرۋدىڭ قاجەتى جوق. مەن باحتياردىڭ ايتقانىنا سەنەمىن. ونىڭ ەلىمىز ءۇشىن قانداي ابىرويلى جەڭىس اكەلگەنىن ۇمىتپايىق»، - دەگەن سۇحباتىندا ايدار ماحمەدوۆ.

سوڭعى جاڭالىقتار