كەڭەس وداعى قۇلاعاندا قۇلازىپ جىلاعان اقساقال - ءماجىلىس دەپۋتاتىنىڭ اتاسى

استانا. قازاقپارات - ولمەسەڭ كورە بەرەسىڭ، دەگەن ءسوزدىڭ جانى بار.
None
None

قۇدايدىڭ قۋاتىندا قيلى-قيلى قىزىقتاردى كورىپ كەلەمىز.

سونىڭ ءبىرىن ايتايىن. 1991 - جىلدىڭ جەلتوقسان ايى بولاتىن. ەلىمىز تاۋەلسىزدىگىن جاريالادى. سەلينوگرادقا باۋىر باسقان ازعانا ۇلتشىل قازاقتار باس قوستىق. قۋانىشتا شەك جوق. راس پا، وتىرىك پە سەزىنە الماي قايتا-قايتا ءبىر-بىرىمىزگە ايتىپ، سەنبەي جاتىرمىز.

ەرتەسىنە-اق سول قۋانىشىمىزدى ءبولىسۋ ءۇشىن تاڭ اتىسىمەن قالادا قادىرلى اقساقالىمىز بار بولاتىن سوعان جۇگىرەيىك.

ءسۇيىنشى، سۇراپ ءماز بولىپ جاتىرمىز. ءبىر كەزدە اقساقالىمىز كەمسەڭدەپ كوزىنە جاس الدى. اقساقالدى اياپ كەتتىك. قانشاما جىل وسى ازاتتىقتى كۇتتى. وسى ازاتتىق جولىندا شەيت كەتكەن بوزداقتار قانشاما... وسىندايدا جىلاماعان كوز سوقىر بولسىن، دەپ تۇرمىز.

اقساقالدى اياپ بىزدە قورس-قورس ەتىپ، يشارا جاساعانداي اسەر قالدىردىق. ءتورت-بەس جىگىت ەدىك، جاعالاي اتامىزدى قۇشاقتاپ، كوز جاسىنا مالىنعان ساقالىنان ءسۇيىپ شىقتىق.

ءبىر كەزدە قادىرلى قاريامىز كوزىن ءسۇرتىپ: -  ەندىگى كۇنىمىز نە بولار ەكەن، قايران كەڭەس وداعىن اقىرى قۇرتىپ تىندى جاۋىزدار، -  دەمەسى بار ما؟ ءبارىمىز شالقامىزدان تۇسە جازدادىق. ءبىر-بىرىمىزگە قاراپ، ءجۇزىمىز بوزارىپ، قولدى ءبىر سىلتەپ كەتە بەردىك.

ءبىراق، تاۋەلسىزدىك الىپ، جاڭا استانامىزدى تۇرعىزىپ، الەم ەلدەرىمەن تەڭەسە باستاعاندا، اقساقال ەسىن جيىپ، ۇلتىن قورعاپ، جەر-سۋ اتتارىن زەرتتەپ قازاقشا بىرنەشە كىتاپتار جازىپ شىعاردى. جاسى توقساننان اسا دۇنيە سالعانشا قولىنان قالامى تۇسپەي كەتتى. ءبىر قىزىعى بۇل كىسى، «ەركەكتەر كوپ قاتىن السا، كوپ بايعا تيەمىن» دەپ ەسسىزدىگىمەن جۇرتقا ءمالىم بولعان بۇرىنعى ءماجىلىس دەپۋتاتى باقىت سىزدىقوۆانىڭ اتاسى ەدى. ءيا، ومىردە نە بولمايدى دەسەڭىزشى.

اۆتور: توعايباي نۇرمۇرات ۇلى

« namys.kz»

سوڭعى جاڭالىقتار