ەلباسىنىڭ قاتىسۋىمەن قازاقستان رەسپۋبليكاسى ۇلتتىق مۋزەيىنىڭ سالتاناتتى اشىلۋى ءوتتى - فوتو

 استانا. قازاقپارات - بۇگىن ەلوردا كۇنى قارساڭىندا ەلباسى نۇرسۇلتان نازاربايەۆتىڭ قاتىسۋىمەن قازاقستان رەسپۋبليكاسى ۇلتتىق مۋزەيىنىڭ رەسمي تۇردە اشىلدى.
None
None

«مۋزەي ءبىزدىڭ ۇلتتىق رۋحىمىزدى كوتەرۋ جاعىنان عانا ەمەس، ەلىمىزدى الەمگە تانىتۋ تۇرعىسىنان بەلگىلى بولادى. ءبىزدىڭ تاريحىمىز ماقتان ەتۋگە لايىقتى. ەرلىك پەن ەلدىكتىڭ تاريحى. مىڭجىلدىقتار قويناۋىنان باستاۋ الاتىن قازاق شەجىرەسى ادامزات تاريحىنىڭ اجىراماس بولىگى» ، - دەدى مەملەكەت باسشىسى.

 مۋزەي قىزمەتكەرلەرىنىڭ ايتۋىنشا، جالپى اۋدانى 74 مىڭ شارشى مەتردەن اساتىن ۇلتتىق مۋزەيگە قازاقستاننىڭ ەرتە عاسىردان بۇگىنگى كۇنگە دەيىنگى ارحەولوگيالىق، ەتنوگرافيالىق جادىگەرلەرى مەن مادەني ەسكەرتكىشتەرى جيناقتالعان. اتاپ ايتقاندا، 14 مىڭ شارشى مەتر اۋماقتا ەكسپوزيتسيالار الاڭى ورنالاسقان.

ۇلتتىق مۋزەيدىڭ قۇرامىندا استانا، تاۋەلسىز قازاقستان، التىن، ەجەلگى جانە ورتاعاسىر تاريحى، ەتنوگرافيا، تاريح، زاماناۋي ونەر زالدارى بار.

 «مۋزەي حالىقارالىق ستاندارتتارعا ساي جابدىقتارمەن جاراقتاندىرىلعان. ەكسپوزيتسيالار ءۇشىن زاماناۋي كورمە تەحنولوگيالارى: بىرەگەي يىلگىش ەكران، مەديا- ەدەن، قازىرگى استانانىڭ ورتالىق بولىگىنىڭ سەرپىندى ماكەتى، كوپتەگەن مەدياەكراندار، گولوگراممالار، ديودتى جارىعى بار LED- تەحنيكا، سەنسورلى دۇڭگىرشەكتەر، مۋلتيمەديالىق جولسەرىك قولدانىلادى» ، - دەلىنگەن تاراتىلعان مالىمەتتەردە.

«قازاقستان رەسپۋبليكاسىنىڭ ۇلتتىق مۋزەيى» رەسپۋبليكالىق مەملەكەتتىك مەكەمەسى پرەزيدەنتتىڭ جارلىعىمەن 2013 - جىلعى 30 - مامىردا قۇرىلعان.2
3 
4 
 6 6 5  13 
11 

9

10

14

8

اۆتور: رۋسلان عابباسوۆ 

سوڭعى جاڭالىقتار