ادام ءوزىنىڭ «ەكىنشى جارتىسىن» تاپقاننان كەيىن كەمىندە ەكى دوسىن جوعالتادى

استانا. قازاقپارات - ادام ءوزىنىڭ «ەكىنشى جارتىسىن» تاپقاننان كەيىن كەمىندە ءوزىنىڭ اينالاسىنداعى ەكى دوسىن جوعالتادى ەكەن.
None
None

بۇل تۇجىرىمعا وكسفورد ۋنيۆەرسيتەتىنىڭ كوگنيتيۆتى جانە ەۆوليۋتسيالىق انتروپولوگيا ينستيتۋتىنىڭ باسشىسى روبين دانبار كەلگەن.

زەرتتەۋ بارىسىندا 428 ايەل مەن 112 ەر ادام ساۋالناماعا قاتىسقان. زەرتتەۋ جۇرگىزىلىپ جاتقان تۇستا 363 ادامنىڭ «ەكىنشى جارتىسى» بار بولعان. بىرنەشە ۋاقىت بۇرىن دانباردىڭ توبى ورتا ەسەپپەن ءار ادامنىڭ بەس جاقىن دوسى بولادى دەپ ەسەپتەپ شىعارعان بولاتىن.

جاقىن دوس دەپ وتىرعانىمىز ادام ەموتسيونالدى نەمەسە قارجىلاي ماسەلەلەرگە ۇشىراعاندا كومەك قولىن سۇراۋعا بولاتىن جاندار.

«ەگەر ءسىز اداممەن ءجيى كەزدەسەپ تۇرماساڭىز ول اداممەن ەموتسيونالدى قارىم-قاتىناسىڭىز تەز ءۇزىلىپ، جوققا اينالادى. ءسىز بار نازارىڭىزدى ءوزىڭىز تاڭداعان «ەكىنشى جارتىڭىزعا» اۋدارعان ساتتەن باستاپ ءوز دوستارىڭىزعا ازىراق كوڭىل بولە باستايسىز جانە ولارمەن قارىم-قاتىناسىڭىزعا سىزات تۇسەدى»، - دەيدى دانبار.

وسىلايشا زەرتتەۋ بارىسى بويىنشا عالىمدار مىناداي تۇجىرىمعا كەلدى: ءسىزدىڭ جۇرەك قالاۋىڭىزداعى ادام سىزدەن كوپ ۋاقىت پەن نازاردى تالاپ ەتەدى جانە ول ءسىزدىڭ بەس دوسىڭىزدىڭ ىشىنەن بىرەۋىن ەمەس ەكەۋىن سىرتقا شىعارىپ تاستايدى. بۇعان دەيىن ادامدار 14 كەزدەسۋدە ءبىر-بىرىنە ماحابباتىن بىلدىرەتىنىن حابارلاعان ەدىك. بۇل زەرتتەۋگە 100 ادام قاتىسقان. ول ادامدار تانىسۋ سايتتارىنىڭ تۇراقتى قولدانۋشىلارى ەدى. ساۋالنامانىڭ بارلىق قاتىسۋشىلارىنا ءبىرىنشى رەت قاشان سەزىمىڭىزدى ءبىلدىردىڭىز، العاشقى كەزدەسۋ قاشان بولدى دەگەن سىندى جالپىلاما سۇراقتار قويىلعان بولاتىن.

Tengrinews.kz

سوڭعى جاڭالىقتار