قازاقستان ەكونوميكاسىنىڭ ءوسىمى تالاپ ەتىلگەن قارقىنمەن كەلە جاتىر - ن. نازاربايەۆ

استانا. قازاقپارات - قازاقستان ەكونوميكاسىنىڭ ءوسىمى تالاپ ەتىلگەن قارقىنمەن كەلە جاتىر. بۇل تۋرالى بۇگىن استانادا قازاقستاننىڭ ءۇ ي ي د مەملەكەتتىك باعدارلاماسىن ىسكە اسىرۋ بويىنشا ۇكىمەتتىڭ ەسەبىن تىڭداۋ كەزىندە پرەزيدەنت نۇرسۇلتان نازاربايەۆ ءمالىم ەتتى.
None
None

 «قازاقستان ەكونوميكاسىنىڭ ءوسىمى تالاپ ەتىلگەن قارقىنمەن كەلە جاتىر. ەگەر دە الەمدىك ەكونوميكانىڭ قالپىنا كەلۋى باياۋ قارقىندا ەكەنىن ەسكەرسەك، ەلىمىزدەگى كورسەتكىشتەر وتە ماڭىزدى» ، - دەدى پرەزيدەنت.

مەملەكەت باسشىسىنىڭ سوزىنە قاراعاندا، الەمدىك ەكونوميكانىڭ قالپىنا كەلۋىنىڭ ءالسىز بەلگىلەرى دۇرىس ويلاستىرىلماعان كەيبىر ساياسي شەشىمدەردىڭ قاۋپىمەن ۇعىمدالىپ وتىر.

«مەن بۇل تۇرعىدا ۋكرايناداعى وقيعالاردىڭ سالدارىن جانە وسى ەلدىڭ اينالىسىنداعى جاعدايدى ايتىپ تۇرمىن، ياعني ول ەكونوميكالىق قاراما- قارسىلىقپەن، ءۇزىلدى- كەسىلدى تالاپپەن، سانكسيالارمەن، وندىرىستىك- ساۋدا قاتىناستارىن بۇزۋ قوقان- لوقىسىمەن بايلانىستى. بۇل نارىق پەن ەكونوميكا ءۇشىن وتە ناشار بەلگى» ، - دەدى ن. نازاربايەۆ.

مەملەكەت باسشىسى قازاقستان ەكونوميكالىق تۇرعىدا جاقسى كورسەتكىشتەرگە قول جەتكىزگەنىن، الايدا ءۇ ي ي د مەملەكەتتىك باعدارلاماسىن ىسكە اسىرۋداعى وڭتايلى ىلگەرىلەۋشىلىككە قاراماستان، ول ەكونوميكانىڭ قۇرىلىمىندا ءتيىستى دەڭگەيدە بايقالماعانىن جەتكىزدى.

اۆتور: رۋسلان عابباسوۆ

سوڭعى جاڭالىقتار