التىن تۋرالى حيكايا

ارينە، التىننىڭ قاسىندا بولعان ساتىندە كوڭىل-كۇيى وزگەرەدى، ۇيگە دە شالقىپ-تاسىپ جەتەدى. ءبىراق ۇيدە بايىز تاۋىپ وتىرا المايتىن كورىنەدى. ىلعي توبەگە قاراي اسىعىپ تۇرادى.
الگى كىسىنىڭ جالعىز ۇلى جاستايىنان كوپشىل بوپ ءوسىپ، ءبىلىم-عىلىمعا ۇمتىلعان ەستى بالا ەكەن. اكەسىنىڭ ۇشىپ-قونىپ جۇرەتىن ادەت تاپقانىن بايقاعان ول سىرتىنان باقىلاپ جۇرەدى. اقىرى اكەسى تىققان التىننىڭ ۇستىنەن ءتۇسىپ، ءمان-جايعا قانىعادى. ءبىراق سىر بىلدىرمەپتى.
ءالقيسسا، ءبىر كۇنى حان جۇمساپ، الگى كىسى الىس ساپارعا اتتانادى. بالاسى سول كەزدە تىعۋلى التىندى اقشاعا ايىرباستاپ، ونىڭ جارتىسىن مەشىت قۇرىلىسىنا جۇمساپ، جارتىسىن جارلى-جاقىبايعا ءبولىپ بەرەدى.
ءۇش جىلدان كەيىن ەلگە جەتكەن اكەسى قاتىن-بالاسىمەن شالا امانداسىپ، توبەگە قاراي تارتقاندا ۇلى ەرە شىعادى. اقىل-ەسىن التىن العان اكە ادەتتە جان-جاعىن مۇقيات شولىپ شىعاتىن ادەتىنەن جاڭىلىپ، بىردەن التىن كومگەن جەرگە تارتىپتى. بارسا، التىن جوق، ورنىندا كولەمى ءدال سونداي قارا تاس جاتىر ەكەن دەيدى. بار داۋسىمەن ايقاي سالىپ جىلاعان اكە ءبىر كەزدە عانا بارىپ، قاسىندا وتىرعان بالاسىن اڭعارىپتى. سوندا ۇلى:
- اكە، كومىپ قويۋعا وسى قارا تاس تا جارايدى. ال جاراتقانعا التىن جاقسى، سوسىن ەل يگىلىگى ءۇشىن جاراتىپ جىبەردىم، - دەپتى جىميىپ. اكەسى دە ەس جيىپ، تاۋبەگە كەلگەن ەكەن دەيدى.
باۋىرجان باباجان ۇلى (فەيسبۋكتەگى جەكە پاراقشاسىنان الىندى)