قويلار دا فۋتبول وينايدى

ءبىر عاجابى، بۇل جولى كولۋمبيالىق جەرگىلىكتى فۋتبول اۋەسقويلارى كولۋمبيا مەن برازيليا قويلارىنان قۇرىلعان قۇراما كوماندالاردىڭ اراسىندا عاجايىپ فۋتبول دوداسىن وتكىزدى.
ويىنعا كولۋمبيا مەن برازيليا ەلدەرىندەگى وتار- وتار قويلاردان الدىن الا تاڭداپ الىنعان «فۋتبولشى قويلار» قاتىستىرىلدى. ءسويتىپ، مۇندا تۇڭعىش رەت كادۋىلگى قويلاردىڭ اراسىندا فۋتبول جارىسى ۇيىمداستىرىلدى.
قويلاردىڭ فۋتبول سايىسى كولۋمبيانىڭ نوبسا قالاسىنداعى ستاديونداردىڭ بىرىندە ءوتتى. جارىسقا قاتىساتىن قويلار بىرەر اي بۇرىن وزگە قويلاردان وقشاۋلاندىرىلىپ، فۋتبول ويىنىنا ارنايى دايىندىقتان وتكىزىلىپتى. ولارعا تاجىريبەلى باپكەرلەر فۋتبولدى قالاي ويناۋدى، دوپتى قاقپاعا قالاي سوعۋدى جانە باسقا دا ويىن ەرەجەلەرىن ەرىنبەي-جالىقپاي ۇيرەتكەن ەكەن. ءتىپتى ەكى قۇراما كوماندانىڭ ءاربىر «فۋتبولشىسىنا» جەكە-جەكە ارنايى سپورت فورمالارى تىگىلىپتى.
وسىلايشا، فۋتبول ويىنى بارىسىندا كولۋمبيالىق قويلاردىڭ فۋتبول كومانداسى برازيليالىق فۋتبولشى- قويلاردان 4:3 ەسەبىمەن باسىم ءتۇستى. قىزىقتى فۋتبولدى تاماشالاۋعا كەلگەن جانكۇيەرلەر ادەتتەگىدەي اتوي سالىپ، ءارقايسىسى ءوز كوماندالارىنا شىنايى قولداۋ كورسەتە ءبىلدى. ايتپاي كەتۋگە بولمايتىن ءبىر نارسە، كەيبىر ساتتە فۋتبولشى- قويلار الاڭداعى كوك شوپكە «الاڭداپ»، اراكىدىك ويىندى ۇزگەن ساتتەرى دە بولدى.
تورەشىلەر قويلاردىڭ مۇنداي ارەكەتتەرىنە تۇسىنىستىكپەن قاراي ءبىلدى. ەڭ باستىسى، كولۋمبيالىق فۋتبول جانكۇيەرلەرى برازيليادا ءوتىپ جاتقان الەم چەمپيوناتىنىڭ ويىندارىنا دۇنيەجۇزى جۇرتشىلىعىنىڭ نازارىن وسىلاي اۋدارعان ءجون دەپ تاپقان.
aikyn.kz