مەملەكەت باسشىسى ەل ايماقتارىندا ءبىرقاتار جوبالاردى ىسكە قوسادى

اتالمىش ۆەدومستۆونىڭ مالىمەتتەرىنە قاراعاندا، ەلباسى استانادا «قورعاس - شىعىس قاقپاسى» ا ە ا قۇرعاق پورتتى جانە سەمەيدەگى. «سولتۇستىك- شىعىس- وڭتۇستىك» ەلەكتر بەرۋ جەلىلەرىن (سەمەي- الماتى تەلىمىنىڭ ءبىرىنشى تىرەگىن ورناتۋ) سالۋعا «ونلاين» رەجىمىندە رۇقسات بەرەدى.
بۇدان وزگە، تىكەلەي ەفيردە جاڭا نىساندار پايدالانۋعا بەرىلەدى. بۇلار:
1. بۇرعىلاۋ قاشاۋلارىن (PDC- قاشاۋلارىن) شىعارۋ، «جىگەرمۇناي سەرۆيس» ج ش س، اتىراۋ (يندۋستريالاندىرۋ كارتاسى جوباسى) .
2. حيميالىق رەاگەنتتەردى شىعارۋ جونىندەگى زاۋىت، «Talas Investment company» ج ش س، جامبىل وبلىسى، قاراتاۋ (يندۋستريالاندىرۋ كارتاسى جوباسى) .
3. شار كراندارىن جانە جاپقىش ارماتۋرانى دايىنداۋ جونىندەگى زاۋىت، «بمەر ارماتۋرا» ج ش س («سارىارقا» ا ە ا) ، قاراعاندى وبلىسى (يندۋستريالاندىرۋ كارتاسى جوباسى) .
4. سەمەنت زاۋىتى، «كاسپييتسەمەنت» جشس، ماڭعىستاۋ، شەتپە (يندۋستريالاندىرۋ كارتاسى جوباسى) .
5. ەنەرگەتيكالىق قازاندىق جابدىعىن شىعارۋ، «پەتروپاۆل اۋىر ماشينا جاساۋ زاۋىتى» ا ق، سولتۇستىك قازاقستان وبلىسى (يندۋستريالاندىرۋ كارتاسى جوباسى) .
6. قوستاناي قالاسى ءۇي قۇرىلىسى كومبيناتى، «قوستاناي م ب ي» ج ش س (يندۋستريالاندىرۋ كارتاسى جوباسى) .
7. شارپروكات ورناعىن شىعارۋ، «KSP Steel» ج ش س، پاۆلودار وبلىسى (يندۋستريالاندىرۋ كارتاسى جوباسى) .
8. قوسپاجەم زاۋىتى، «Agrotrading-2007» ج ش س، كوكشەتاۋ قالاسى (يندۋستريالاندىرۋ كارتاسى جوباسى) .
بۇل ارادا، 2014 - جىلدىڭ ءبىرىنشى جارتى جىلدىعىندا يندۋستريالاندىرۋ كارتاسى شەبەرىندە 21 جوبا پايدالانۋعا بەرىلگەنىن جانە 2 مىڭعا جۋىق تۇراقتى جۇمىس ورىندارى قۇرىلعانىن اتاپ ءوتۋ قاجەت.
ال ەكىنشى جارتى جىلدىقتا شامامەن 100 جوبا پايدالانۋعا بەرىلىپ، 8 مىڭ تۇراقتى جۇمىس ورىندارى اشىلادى.