ن. نازاربايەۆ ەكسپو قوناق ۇيلەرىن قازاقستاندىقتارعا ارنالعان تۇرعىن ءۇي رەتىندە پايدالانۋدى تاپسىردى

استانا. قازاقپارات - بۇگىن ەكسپو- قالاشىعىنىڭ قۇرىلىسىمەن تانىسقان پرەزيدەنتى نۇرسۇلتان نازاربايەۆ حالىقارالىق كورمە قوناق ۇيلەرىن قازاقستاندىقتارعا ارنالعان تۇرعىن ءۇي رەتىندە پايدالانۋدى تاپسىردى.
None
None

 «ءبىزدىڭ مىندەتىمىز - ەكسپو- دان كەيىن بارلىق وسىناۋ عيماراتتاردى ودان ءارى پايدالانۋدى ويلاستىرۋ. باستاپقىدا قوناق ءۇي رەتىندە بەرىلەتىن بارلىق تۇرعىن ۇيلەر كەيىننەن قالالىقتار ءۇشىن، قازاقستاندىقتار ءۇشىن پاتەر رەتىندە پايدالانىلۋى ءتيىس. بارلىق ساۋدا ويىن- ساۋىق جانە عىلىمي ورتالىقتار كادەگە جاراتىلۋى قاجەت» ، - دەدى ن. نازاربايەۆ.

وسى رەتتە ەلباسى باسقا ەلدەردىڭ كورمەگە قاجەتتى عيماراتتاردى سالعانىن، ال شارا وتكەننەن كەيىن اتالعان نىسانداردىڭ ءالى كۇنگە دەيىن قاڭىراپ بوس تۇرعاندىعىن ەسكەرتىپ ءوتتى.

«ءبىز سالعان نىسانداردىڭ بارلىعىنىڭ ودان ءارى پايدالانىلۋىنا سەن جاۋاپ بەرەتىن بولاسىڭ» ، - دەدى مەملەكەت باسشىسى «استانا ەكسپو-2017» ۇ ك» ا ق باسقارماسىنىڭ ءتوراعاسى ت. ەرمەگيايەۆقا قاراتا.

ق ر پرەزيدەنتىنىڭ اتاپ وتۋىنشە، بۇعان قوسا قالانىڭ بارلىق تۇرعىندارىن دايىنداپ، قوناقتارعا قىزمەت كورسەتۋ سالاسىن جاقسارتا ءتۇسۋ قاجەت. «سونىمەن قاتار ءبىز قوناقتارعا ۇلتتىق مادەنيەتىمىزدى كورسەتۋىمىز كەرەك» ، - دەدى ن. نازاربايەۆ.

«سىزدەردىڭ بارلىعىڭىزعا، مەردىگەرلەرگە بۇكىل الەم الدىندا ءبىزدىڭ مۇمكىندىگىمىزدى دەر ۋاقىتىندا ءارى ساپالى كورسەتۋ ءۇشىن ەكسپو- قالاشىعىنىڭ قۇرىلىسى سەنىممەن تاپسىرىلىپ وتىر. مەن بارلىقتارىڭىزدى دا بىلەمىن. باسقا نىسانداردا سىزدەر دالەلدەدىڭىزدەر. بۇل سىزدەر ءۇشىن تارتۋ ءارى ىنتالاندىرۋ. ءبىز قۇرىلىس سالاسىندا كاسىبيلىكتەرىن دالەلدەگەن مۇلدەم باسقا قۇرىلىسشىلاردى دا شاقىرا الار ەدىك. ولار دا قالاعان بولاتىن ءارى بارلىعى ءوتىنىش بەرگەن ەدى» ، - دەدى ەلباسى.

مەملەكەت باسشىسىنىڭ اتاپ وتۋىنشە، كورمە قالاشىعىن سالۋ ىسىندە قازاقستاندىق جانە ەلىمىزدە جۇمىس ىستەپ جاتقان كومپانيالارعا سەنىم ارتۋ دۇرىس شەشىم بولىپ وتىر.

«سىزدەر بۇعان دەيىن دە ەشقاشان ۇياتقا قالدىرعان ەمەسسىزدەر. قازىر دە ۇياتقا قالدىرماڭىزدار، جۇمىس ىستەيىك. ءبىزدىڭ مىندەتىمىز - قازاندا، قىستىڭ باسىندا نولدىك سيكلدى اياقتاۋ، قادالاردى قاعىپ، ىرگەتاسىن قۇيۋ جانە قىس بويى جۇمىس ىستەۋگە مۇمكىندىك جاساۋ ءۇشىن عيماراتتاردىڭ ءبىرىنشى قاباتتارىن سالۋ. ۋاقىت تىم از، كەستە قاتاڭ قاداعالانىپ، ناقتى ورىندالۋى ءتيىس» ، - دەدى ق ر پرەزيدەنتى.

اۆتور: مارلان جيەمباي


2

3

02

سوڭعى جاڭالىقتار