ءوزىن ءوزى سۋرەتكە ءتۇسىرىپ، ونى ينتەرنەتكە سالۋ - جۇيكە اۋرۋلارىنىڭ ءبىر ءتۇرى

"سەلفي" دەپ اتالىپ كەتكەن بۇل قۇبىلىستى امەريكالىق پسيحياترلار اسسوتسياتسياسى جۇيكە اۋرۋلارىنىڭ قاتارىنا رەسمي تۇردە جاتقىزىپ وتىر.
ولار جاڭا اۋرۋعا selfies دەگەن اتاۋ دا بەرىپ ۇلگەرگەن.
پسيحياترلاردىڭ ايتۋىنشا، ءوزىنىڭ سۋرەتىن ينتەرنەت جەلىسىنە جۇكتەۋگە تاۋەلدى بولىپ قالعان جاندار وزىنە دەگەن قۇرمەتتى بارىنشا ارتتىرعىسى كەلگەندىكتەن بۇل ارەكەتتى جاسايدى ەكەن. عالىمدار بۇل اۋرۋدى ءۇش تۇرگە ءبولىپ قاراستىرىپ وتىر:
ءبىرىنشىسى - ەپيزودتىق: ادام ءوزىن كۇنىنە كەمى ءۇش رەت سۋرەتكە ءتۇسىرىپ، ءبىراق ونى الەۋمەتتىك جەلىگە جۇكتەمەيدى.
ەكىنشىسى - اسقىنعان: ادام ءوزىن كۇنىنە كەمى ءۇش رەت سۋرەتكە ءتۇسىرىپ، ونى الەۋمەتتىك جەلىلەرگە مىندەتتى تۇردە جۇكتەيدى.
ءۇشىنشىسى - سوزىلمالى: ادام وزىنە ەرىك بەرە المايدى، كۇندىز-ءتۇنى سۋرەتكە ءتۇسىپ، كەمى التى رەت الەۋمەتتىك جەلىلەردە ءوز سۋرەتىن تالقىعا سالادى.
پسيحياتر مامانداردىڭ ايتۋىنشا، ازىرگە بۇل اۋرۋدىڭ ەمى جوق. دەگەنمەن، امەريكالىق عالىمداردىڭ ءبىرى "سەلفيدەن" قۇتىلۋدىڭ جالعىز جولى - بۇكىل ۇيالى تەلەفونداردى ءتۇپ-تامىرىمەن جويۋ دەپ اتاپ ءوتتى.
Baq.kz