الەم چەمپيوناتىن بولجاۋدان جاڭىلماعان قازاق مىسىعى

استانا. قازاقپارات - ورالداعى فۋتبولدان الەم چەمپيوناتىن بولجايتىن كورىپكەل مىسىقتىڭ بولجامى ءدال كەلدى.

كەشە سيۋزي  اتتى مىسىق فرانسيا مەن نيگەريا ماتچىندا فرانسۋزدار توپ جارادى دەپ بولجاعان بولاتىن.

تارتىستى وتكەن ويىندا ەسەپ 79- مينۋتتا اشىلدى جانە العاشقى دوپتى فرانسۋز فۋتبولشىسى پول پوگبا سالدى. ال 90- مينۋتتا نيگەريالىق قۇرامانىڭ قورعاۋشىسى يوبو اۆتوگول اۆتورى اتاندى. ايتا كەتەيىك، اتالمىش دوپ مۋنديالداعى 10- اۆتوگول جانە بۇل بۇرىن-سوڭدى بولماعان رەكورد رەتىندە تىركەلدى. وسىلايشا فرانسۋزدار ¼ فينالعا ءوتتى.

مىسىق وزگە كورىپكەل جانۋارلار سەكىلدى باسەكەگە تۇسكەن قۇرامالاردىڭ اتى جازىلعان قاعاز جاپسىرىلعان ىدىستاعى تاعامدى تاڭداۋ ارقىلى بولجادى. ءۇي جانۋارىنىڭ يەسى ءاليحاننىڭ سوزىنە قاراعاندا، بيىلعى الەم چەمپيوناتىندا سيۋزي ءالى قاتەلەسكەن ەمەس. مىنە، وعان ءبىز دە كۋا بولىپ وتىرمىز.