ەلباسى نازاربايەۆ ورتالىعىنىڭ جاڭا عيماراتىندا بولدى

استانا. قازاقپارات - مەملەكەت باسشىسى نۇرسۇلتان نازاربايەۆ جاڭا عيماراتتى ارالاپ كوردى، سونداي-اق «نازاربايەۆ ورتالىعى» كوپفۋنكتسيالى عىلىمي-تالداۋ جانە گۋمانيتارلىق-اعارتۋ مەملەكەتتىك مەكەمەسىنىڭ بازاسىندا قۇرىلعان تۇڭعىش پرەزيدەنت كىتاپحاناسىنىڭ جۇمىسىمەن تانىستى.
None
None

بۇل تۋرالى اقوردانىڭ باسپا ءسوز قىزمەتى حابارلادى.

«كىتاپحانا قورى 20 مىڭ ەڭبەكتى قامتيدى. مەكەمە پرەزيدەنتكە سىيعا تارتىلعان ەكسپوناتتاردى جيناقتاۋمەن دە اينالىسادى. قازىرگى كۇنى مەملەكەت باسشىلارىنىڭ جانە ولاردىڭ رەسمي وكىلدەرىنىڭ سىيلىقتارىن، ونەر تۋىندىلارى مەن تاريحي جادىگەرلىكتەردى قوسقاندا، نۇرسۇلتان نازاربايەۆتىڭ جەكە كوللەكتسياسىنان الىنعان 500 ەكسپونات بار»، - دەلىنگەن حابارلامادا.

عيماراتتا كوشپەلىلەر مەن دالا توسىندەگى قالالاردىڭ سان عاسىرلىق تاريحىندا قالىپتاسقان قازاق حالقىنىڭ فيلوسوفياسىن تانىتاتىن «ماڭگىلىك ەل» گالەرەياسى ورنالاسقان.

مەملەكەت باسشىلارىنىڭ مۇنداي ورتالىقتارى، كىتاپحانالارى مەن قورلارى الەمدىك تاجىريبەدە، اتاپ ايتقاندا، ا ق ش-تا، فرانسيادا، تۇركيادا جانە باسقا ەلدەردە بار. ولاردىڭ باستى مىندەتى ەل باسشىلارىنىڭ جەكە مۇراعاتىن جيناقتاۋ جانە جۇيەلەۋ بولىپ سانالادى.

سوڭعى جاڭالىقتار