اقمولا وبلىسىندا كەلىنى قايىن ەنەسىن توناپ كەتكەن

كوكشەتاۋ. قازاقپارات - اقمولالىق پوليتسەيلەر ءبىر ميلليون تەڭگەگە جۋىق اقشا مەن التىن بۇيىمداردى جىمقىرعان پاتەر توناۋشىنى ۇستادى.
None
None

بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.

«ماۋسىمنىڭ 28 - كۇنى كوكشەتاۋ قالالىق ءى ءى ب كەزەكشىلىك بولىمىنە پاتەرىنەن اقشالاي قاراجات پەن التىن بۇيىمداردى بەلگىسىز بىرەۋدىڭ توناپ اكەتكەنى جونىندە قالا تۇرعىنى شاعىم تۇسىرگەن. مۇنداعى شىعىن كولەمى 930 مىڭ تەڭگەنى قۇراعان"، دەپ كورسەتىلگەن باسپا ءسوز قىزمەتىنىڭ مالىمدەمەسىندە.

وسىعان وراي كوكشەتاۋ قالالىق كريمينالدى پوليتسيا قىزمەتكەرلەرىمەن جۇرگىزىلگەن جەدەل-ىزدەستىرۋ شاراسى بارىسىندا كۇدىكتى ۇستالدى. ءبىر قىزىعى، ۇرى زارداپ شەگۋشى ايەلدىڭ كەلىنى ەكەن.

قازىرگى كەزدە اتالعان فاكتىگە بايلانىستى ق ر ق ك 175-بابىنىڭ 1-ءبولىمى (توناۋ) بويىنشا قىلمىستىق ءىس قوزعالدى.

پوليتسەيلەردىڭ ايتۋىنشا، پاتەر توناۋشىلار كوبىنە ءۇي ىشىنە تەرەزەدەن كىرەتىن كورىنەدى. ماسەلەن، ماۋسىمنىڭ 28 - كۇن اتباسار قالاسىندا تەرەزەدەن تۇسكەن ۇرىلار كومپيۋتەرلىك تەحنيكا، نوۋتبۋك جانە ەكى تەلەفوندى قولدى قىلىپ، ءۇي يەسىنە 146 مىڭ تەڭگە كولەمىندە شىعىن كەلتىرگەن.

مۇندا دا پوليتسەيلەر جۇرگىزگەن جەدەل ىزدەستىرۋ شاراسى بارىسىندا 1988 - جىلعى جەرگىلىكتى ازامات ۇستالىپ، ۇرلانعان زاتتار تاركىلەندى.

اۆتور: اسلان وسپانوۆ

سوڭعى جاڭالىقتار