جانۋارلاردىڭ ماحابباتقا دەگەن ادالدىعى

استانا. قازاقپارات- قولىمىزعا سوزدىكتى الىپ «ادالدىق» ءسوزىنىڭ ماعىناسىن ىزدەيتىن بولساق، ونىڭ قارىم-قاتىناستىڭ ادالدىعىن، تۇراقتىلىعىن، سەزىمنىڭ بەرىكتىگىن، سەرتتىڭ ورىندالۋىن بىلدىرەتىندىگىن بايقايمىز.
None
None

 7 ارىپتەن تۇراتىن ءسوزدىڭ استارىندا ۇلكەن ماعىنا مەن ءمان جاتىر. وكىنىشكە وراي، بۇل ءسوزدىڭ دە قادىرى كەتىپ بارا جاتقان سياقتى.

ارينە، بارلىعىنا توپىراق شاشپايمىز، ءبىراق ءسۇرىنىپ قوسىلعان سۇيگەنىن ويلانباستان وزگە جانعا ايىرباستاپ كەتە بەرەتىن جاندار جەتەرلىك. ءتىپتى، جاستاردىڭ اراعا بىرەر جىل سالىپ اجىراسىپ كەتىپ جاتاتىندىعى اسا كوپ ويلاندىرمايتىن دارەجەگە جەتتىك. سوندىقتان بۇگىنگى تاڭدا ادالدىق اتاۋلىسى كەز كەلگەننىڭ بويىنان تابىلا بەرمەيتىن قاسيەت.

«حايۋان ەكەش حايۋان دا ءوز بالاسىن قورعايدى» دەمەكشى، ءتورت اياقتى ماقۇلىقتاردان ۇيرەنەرىمىز وتە كوپ. كەزەكتى ماتەريالىمىزدا سەرىگىنە دەگەن ادالدىقتى جوعارى قوياتىن جانۋارلارعا ارناعىمىز كەلەدى. بۇل بار بولعانى جانۋارلار عوي دەپ ايتاتىنىڭىز انىق. ونى ادامنىڭ اسقاق سەزىمىمەن سالىستىرۋعا كەلمەيتىندىگىنە ءوزىڭىز كۋا بولىڭىز.



گيببوندار

گيببوندار دەگەنىمىز - ادامعا قاتتى ۇقسايتىن جانە ءومىرىن تەك سىڭارىمەن وتكىزۋدى ءجون كورەتىن مايمىل ءتۇرى. بۇل جانۋارلاردىڭ اراسىنداعى جالعاستىق شەكسىز. مۇنىمەن قاتار، زوولوگ ماماندار ولاردىڭ تەڭ قۇقىلى ەكەندىگىن ايتادى.



اققۋلار

ولاردىڭ ادالدىعىن تەك عالىمدار عانا ەمەس، اقىندار مەن جازۋشىلار دا جىرلاپ كەتكەن. ايگىلى ساكەننىڭ پوەماسىن ەسكە الايىقشى. سىڭارىنان ايىرىلعان اققۋ ءوزىن ولىمگە قيادى. ويلانباستان مىنا جالعانمەن قوش ايتىسادى.. .

بويىندا مىڭ ۇقساستىق بولسا دا، اققۋلار ءوز سىڭارىن وزگەسىمەن ەش ۋاقىتتا شاتاستىرمايدى جانە رەنجىسپەيدى. بۇدان وزگە وتباسى بولىپ بالاپاندارىمەن بىرگە ءومىر سۇرەتىندەرى تاعى بار. ولاردان، راسىمەن دە، كوپ نارسە ۇيرەنۋگە بولاتىن سياقتى.. .



قارا گريفتەر

بۇل قۇستار دا پوليگاميا ۇعىمىن تۇسىنبەيدى. وزدەرى تەك ادالدىقتى ءپىر تۇتىپ قويماي، سىڭارىنا وپاسىزدىق جاساعان گريفتى اياماي جازعىرادى.



قاسقىرلار

بۇل حايۋانداردى ەرتەگىدە دە، مۋلتفيلمدەردە دە جاعىمسىز كەيىپكەر رەتىندە تانىستىرادى. شىندىعىندا، ولاردىڭ وزگەلەرگە ۇلگى بولارلىق قاسيەتى جەتەرلىك. ءبىر-بىرىنە ادالدىق ساقتاعان ەكى حايۋان بورىلەرىن بىرگە وسىرەدى.



سۇر تىشقاندار

وزگە كەمىرگىشتەرمەن سالىستىرعاندا سۇر تىشقاندار مونوگاميالىق وتباسى بولۋدى جاقتايدى. مۇنىمەن قاتار، ادال تىشقانداردىڭ مىنەزى ادامداردىكىنەن اۋمايدى. ولار قول ۇستاسقان جاستار سەكىلدى قۇشاقتاسىپ جۇرەدى. قيىندىقتاردى بىرگە جەڭۋگە تىرىسادى.



پينگۆيندەر

ادەلي پينگۆيندەرى سۇيىكتىلەرىنە ەڭ ەرەكشە تاستى سىيلاۋ ارقىلى ۇسىنىس جاسايدى. ارتىنشا ۇسىنىس جاساعان پينگۆينىمەن ماڭگىلىك بىرگە بولۋدى ءجون كورەدى.



كەپتەرلەر

كەپتەرلەر ماحاببات پەن ادالدىقتىڭ سيمۆولى بولعاندىقتان، ادامدار ولاردى ەرەكشە قاستەرلەپ، ۇيلەنۋ تويىنىڭ شاقىرۋ بيلەتىنە سۋرەتىن سالدىراتىن بولعان. بۇدان وزگە قولدان ۇشىرعان. الايدا بۇل كەزدەيسوقتىق ەمەس.

وزدەرىڭىز كۋا بولعانداي، كوپ جانۋار قوساعىنا دەگەن ادالدىقتى ساقتاپ قويماي، بۇدان وزگە بالا تاربيەسىنە دە ات سالىسادى. ال ءبىزدىڭ ولاردان قاي جەرىمىز كەم؟ سۇيگەنىمىزدى ماڭگىلىك ايالاپ، بالالارىمىزعا جىلى قاباق تانىتۋعا نەگە ۋاقىتىمىز جەتپەيدى؟

massaget.kz

سوڭعى جاڭالىقتار