الماتى وبلىسىنىڭ پوليتسياسى وتىرىك جابىرلەنۋشىنى قولعا ءتۇسىردى

جالعان تۇسىنىك بەرگەندىگى ءۇشىن ەر ازامات اعىمداعى جىلى سوت شەشىمى بويىنشا ىزدەۋگە الىندى، دەپ حابارلادى الماتى وبلىسى ءى ءى د-نىڭ باسپا ءسوز قىزمەتى.
2013 - جىلدىڭ قازان ايىندا ىلە اۋدانىنىڭ تۇرعىنى ا ءى ءى ب-نا شاعىمدانادى. ول بەلگىسىز ادامدار ونى سوققىعا الىپ، توناپ كەتكەندىگىن تۇسىندىرەدى. اتالعان فاكتى بويىنشا قىلمىستىق ءىس قوزعالعان.
«ءبىر ايدان كەيىن ءىس توقتاتىلادى. ءوزىنىڭ ارىزىندا جابىرلەنۋشى ونى بەلگىسىز ادامداردىڭ ۇرىپ-سوققاندىعىن جانە ۇيالى تەلەفونىن تارتىپ العانىن ايتقان. ءىس بويىنشا پوليتسيالىق توپ قۇرىلىپ، كۇش پەن ۋاقىتتارىن قىلمىستىڭ بەتىن اشۋعا جۇمساعان»، - دەلىنگەن حابارلامادا.
قىلمىستىق ءىس سوتقا جىبەرلىگەندە جالعان اقپاراتتىڭ بەرىلگەندىگى انىقتالدى. ال سوتقا شاقىرىلعان جابىرلەنۋشى ءىزىن سۋىتقان.
«وپەراتيۆتى شارا بارىسىندا انىقتالعانداي، جابىرلەنۋشى تەلەفونىن جەرگىلىكتى تۇرعىنداردىڭ بىرىنە ساتقان. سونىمەن قاتار، انىقتاۋ بارىسىندا دەنەسىندەگى جاراقاتتاردىڭ ءوزىنىڭ تانىسىمەن ءىشۋ بارىسىندا سوزگە كەلىسپەي، جۇدىرىقتاسۋدىڭ ناتيجەسىندە العاندىعى بەلگىلى بولدى»، - دەلىنگەن حابارلامادا.
قازىرگى ۋاقىتتا جالعان جابىرلەنۋشى ىلە اۋدانىنىڭ ا ءى ءى ب-نا قاماۋعا الىندى.
«الماتى» تەلەارناسى