قازاقستاننىڭ وتىن-ەنەرگەتيكالىق الەۋەتى

بۇل رەتتە ەلىمىزدىڭ عىلىمي مۇمكىندىگى دە مول. قاجەتتى ءوندىرىس ورىندارى دا بار. ناتيجەسىندە ۋران ءوندىرىسى قارقىندى دامىپ كەلەدى.
ماسەلەن، ەنەرگەتيكالىق رەسۋرستارداعى كومىردىڭ ۇلەسى - 34 پايىز بولسا، مۇناي - 8,8 پايىز، گاز - 6,6 پايىز، مينەرالدىق قورلار 4,2 پايىزدى قۇرايدى. ال ۋراننىڭ ۇلەسى 46 پايىزعا تەڭ. ەلىمىزدە ۋران كەنىشتەرى 6 گەولوگيالىق ايماقتا ورنالاسقان. وندا وندىرىلگەن ۋراننىڭ كولەمى 1996 - جىلمەن سالىستىرعاندا بيىل 26 ەسەگە ارتىپ وتىر.
ال بىلتىر بۇل كورسەتكىش 22,5 مىڭ تونناعا جەتتى. قازاقستاندا يننوۆاتسياعا كوپتەپ ءمان بەرىلۋى اتوم ونەركاسىبى مەن ۋران ءوندىرىسىن دامىتۋعا دا سەپتىگىن تيگىزدى. سونىمەن قاتار شەتەلدىك كومپانيالارمەن ارىپتەستىك ورناتۋ بۇل سالانىڭ العا باسۋىنا اسەر ەتتى.
ەلىمىزدە كورشى جانە باتىس مەملەكەتتەرىمەن بىرلەسىپ، ۋران وندىرەتىن كاسىپورىندار جۇمىس ىستەيدى. ماسەلەن، وسكەمەندە قىتايمەن بىرلەسكەن كومپانيا بار. جاپونيامەن ىنتىماقتاستىق تا قارقىندى دامىپ كەلەدى. وندا ۋران ديوكسيدى ەكسپورتتالادى.
ال رەسەيلىك «روس اتوم» كورپوراتسياسىمەن ارىپتەستىك ورناتۋ ارقىلى قازاقستان ۋران بايىتۋ ورتالىعىنا اينالدى. بۇل ءوز كەزەگىندە ەلىمىزدىڭ يننوۆاتسيالىق تەحنولوگيالاردى يگەرىپ، وندىرىسكە كەڭىنەن پايدالانۋعا سەپتىگىن تيگىزبەك. قازىر ۋران كەنىشتەرىن بىرلەسىپ يگەرۋگە تاياۋ شىعىس ەلدەرى دە قىزىعۋشىلىق تانىتىپ وتىر. دۇنيەجۇزىلىك يادرولىق قاۋىمداستىقتىڭ مالىمدەۋىنشە، الەمدە شىعارىلاتىن ۋراننىڭ 33,9 پايىزى قازاقستاندا وندىرىلەدى. وسىلايشا ەلىمىز 2009 - جىلى ەڭ ءىرى ۋران ءوندىرۋشى اتاندى.