ەسكەكتى قايىقپەن جالعىز ءوزى اتلانت مۇحيتىن ءجۇزىپ وتكەن قايسار ادام

 استانا. قازاقپارات - نيۋي- يورك تۇرعىنى ۆيكتور مۋني ەسكەكتى قايىقپەن جالعىز ءوزى اتلانت مۇحيتىن ءجۇزىپ ءوتتى، دەپ حابارلادى يتار- تاس.
None
None

 كەشە سەنبى كۇنى ونىڭ وكىلى حابارلاعانداي، 4,8 مىڭ شاقىرىمدىق بۇل جولدى مۋني 128 كۇندە ەڭسەرگەن: ول افريكا جاعالاۋىنىڭ ماڭىنداعى كانار ارالدارىنان 19- اقپاندا شىققان، ال جۇما كۇنى كاريب تەڭىزىندەگى سينت- مارتەن ارالدارىنا جەتتى.

ءجۇزۋ كەزىندە مۋني 36 كەلىگە ارىقتاعان. «قازىر مەنىڭ سالماعىم 64 كەلى - التىنشى جانە جەتىنشى سىنىپ وقۋشىسى سياقتىمىن» ، دەپ ازىلدەدى ول.

48 جاستاعى ساياحاتشى كۇن سايىن ساعات تاڭعى تورتتە ويانىپ، كەشكى ساعات 7 گە دەيىن ەسكەك ەسكەن. ءاربىر ساعات سايىن ول جارتى ساعاتتىق ءۇزىلىس جاساپ، كۇش- قۋاتىن قالپىنا كەلتىرىپ وتىرعان.

«مۇحيت كوبىنە مازاسىز بولدى. كەيدە مەن 15 شاقىرىم ءجۇزىپ، ۇيىقتاپ، تاڭەرتەڭ تۇرسام، مۇحيت مەنى 25 شاقىرىمعا كەيىن ىسىرىپ تاستاعان ساتتەرى دە بولدى» ، - دەدى مۋني.

قايىقتا ازىق- تۇلىكتىڭ ازداعان قورى بولعان، ءبىراق ول جولدا بالىق اۋلاپ، تالعاجاۋ ەتكەن.

 ونىڭ ايتۋىنشا، ساياحات كەزىندەگى ەڭ قورقىنىشتىسى، بىردە وعان اكۋلا شابۋىل جاساپ، قايىعىن تىستەگەن. دەگەنمەن مۋني اكۋلانى قۋىپ تاستاپ، سول بويدا شاپشاڭداتىپ، قايىعىنىڭ تەسگىن جاماعان.

ساياحاتشى بۇل ساپارعا جۇرتشىلىقتى سپيد پروبلەماسىنا اۋدارۋدى ماقسات تۇتقان، ويتكەنى ونىڭ اعاسى 1983 - جىلى وسى دەرتتەن كوز جۇمىپتى.

مۋني بۇدان ءارى بريتاندىق ۆيرگين ارالدارىنا دەيىن ءجۇزىپ بارىپ، ودان ءارى تاعى 2,9 مىڭ شاقىرىم جول ءجۇرىپ، نيۋ- يورككە جەتپەك. ەندى ول بۇدان بىلاي مۇنداي ساپارعا شىقپاۋعا بەكىنىپ وتىر.

ۆيكتور مۋنيدىڭ بۇل اتلانتيكانى ەسكەكپەن ءجۇزىپ شىعۋعا ۇمتىلعان العاشقى ساپارى ەمەس. العاشقى ءۇش ارەكەتى ءساتسىز اياقتالدى. 2006 - جىلى ونىڭ قولدان جاسالعان اعاش قايىعى ساياحات باستالعاننان كەيىن بىرنەشە ساعاتتان سوڭ سۋعا باتىپ كەتتى. 3 جىلدان كەيىن ودان گورى بەرىك قايىقپەن شىقتى، ول جولى سۋ تۇشىتاتىن پريبورى ىستەن شىعىپ قالدى. 2011 - جىلى ساياحاتشىنىڭ قايىعى سىر بەرىپ، ەكى اپتا بويى اشىق مۇحيتتا قۇتقارۋ سالىندا بولدى.

سوڭعى جاڭالىقتار