بوزبالا كەز-كەلگەن جەردە جۇرەتىن امبەبەپ ەكوكولىك ويلاپ شىعاردى

استانا. قازاقپارات - «كوزقاراس ەكسپو-2017» جاستار بايقاۋىنا كەلگەن اقمولا وبلىسىنىڭ قاتىسۋشىسى يۋري چۋۆاشيەۆ اۋە جاستىعى ۇستىندەگى كەمە نەگىزىندە كەز-كەلگەن جەردە جۇرە بەرەتىن امبەباپ كولىك جاساپ شىعارىپ، استانادا وتكەن رەسپۋبليكالىق فورۋمدا ونى جۇرتقا تانىستىردى.
None
None

ونەرتاپقىشتىڭ ايتۋىنا قاراعاندا، ونى جەدەل جاردەم كولىگى رەتىندە دە، ءورت قىزمەتىندە دا پايدالانا بەرۋگە بولادى، الايدا كوپ جاعدايدا ول اۋىل شارۋاشىلىعىنىڭ قاجەتتەلىگىنە ارنالعان. اپپاراتتىڭ جۇمىس ىستەۋ ءتاسىلىنىڭ وتە قاراپايىم ەكەنىن ايتادى ونەرتاپقىش.

«كورىپ وتىرعاندارىڭىزداي ەش جەرىندە دوڭعالاق جوق. اپپارات اۋانىڭ كومەگىمەن قوزعالادى: كەز- كەلگەن اۋا رايىنىڭ جاعدايىندا، 40 گرادۋستىق ايازدا دا، 50 گرادۋستىق ىستىقتا جەردە دە، سۋدا دا جۇرە بەرەدى. امبەبەپ كولىك توپىراققا سالماق تۇسىرمەگەندىكتەن وسىمدىكتەرگە زيانىن تيگىزبەي القاپتا قوزعالاتىن موتوتسيكل-اگرونوم رەتىندە دە پايدالانۋعا بولادى»، - دەپ اڭگىمەلەپ بەردى يدەيا اۆتورى.

سونداي-اق ونەرتاپقىشتىڭ ويلاستىرعانىنداي، اپپاراتتىڭ دوڭعالاعى بولماعانىمەن، ارنايى اۋە جاستىعىنىڭ كومەگىمەن ۇشا الاتىن بولادى.

«اۋە جاستىعىنىڭ قوزعالۋ ءتاسىلى مىنانداي، ۇستىدەگى مەحانيزم اۋا جيناپ، ارتىق قىسىم جاساۋ ارقىلى اپپاراتتىڭ جەردەن كوتەرىلۋىنە مۇمكىندىك تۋعىزادى. بىزگە سونداي-اق اپپاراتتىڭ كۇشىن قوزعالىسقا كەلتىرەتىن دۆيگاتەل كەرەك»، - دەپ ءتۇسىندىردى جاس كۋليبين.

يۋريي چۋۆاشيەۆتىڭ ايتۋىنشا، كورمەلىك ۇلىگىنىڭ شىن ماعىناسىنداعىدان زور ايىرماشىلىعى بار. تاجىربيەلى ۇلگىنىڭ قاعاز جۇزىندەگى سىزباسى جاسالىپ تا قويىلدى.

اۆتور الداعى 5 جىلدىڭ ىشىندە اپپاراتتى ءوندىرىس كونۆەيەرىنە قويۋعا ۇمىتتەنەدى، ويتكەنى ونىڭ قۇنى ەسەپ بويىنشا 3 مىڭ دوللاردان اسپاۋعا ءتيىس جانە ونى بالالارعا دەيىن جۇرگىزە الاتىن بولادى.

Baq.kz

سوڭعى جاڭالىقتار