زاڭگەرىن سوققىعا جىققان تەلەارنا باسشىسى جۇمىستان شىعارىلدى

استانا. قازاقپارات - زاڭگەرىن سوققىعا جىققان "قازاقستان-كوكشەتاۋ" تەلەارناسىنىڭ ديرەكتورى جۇمىستان شىعارىلدى.
None
None

بۇل تۋرالى "قازاقستان"ر ت ر ك" اق باسقارما ءتورايىمى نۇرجان مۇحامەدجانوۆا ورتالىق كوممۋنيكاتسيالار قىزمەتىنىڭ بريفينگىندە ايتتى، - دەپ حابارلايدى Tengrinews.kz ءتىلشىسى.

"ءاربىر ۇجىمنىڭ ومىرىندە كەيدە سونداي جاعدايلار بولىپ تۇرادى، ءبىز بولعان جاعدايعا بايلانىستى وكىنىش بىلدىرەمىز. فيليال ديرەكتورى جۇمىستان شىعۋعا ءوز ەركىمەن ارىز جازدى، ءبىزدىڭ ونىڭ كاسىبي جۇمىسىنا قاتىستى كىنا قويعان ەمەسپىز. ول كوكشەتاۋداعى فيليالعا كەلگەننەن كەيىن وندا ساپالى وزگەرىستەر بولدى، كونتەنت وزگەردى، ۇجىم بۇل وزگەرىستەردى جاقسى قابىلدادى. ءبىراق ءبىز، وكىنىشكە قاراي، كەيدە جاساعان ءىس-ارەكەتتەرىمىزگە جاۋاپتى بولۋىمىز كەرەك"، - دەدى مۇحامەدجانوۆا.

"ءبىز بۇل ماسەلەنى ار-نامىس كودەكسى تۇرعىسىنان تالقىلادىق، بۇل ونىڭ وزىنە عانا ەمەس، باسقا دا باسشىلارعا ساباق بولماق. دەگەنمەن بۇل جاعداي قالاي بولدى، بولدى ما - بولمادى ما، ونى قۇقىق قورعاۋ ورگاندارى انىقتايدى. ءبىز ءوز تاراپىمىزدان ءبىزدىڭ كورپوراتسيادا بولعان ارەكەتتەرگە بايلانىستى جاۋاپ بەرەمىز"، - دەپ ءتۇسىندىردى ول.

ەسكە سالا كەتەيىك، اقمولا وبلىستىق ىشكى ىستەر دەپارتامەنتىنىڭ ماماندارى "قازاقستان-كوكشەتاۋ" تەلەارناسى باسشىلارىنىڭ ءوز زاڭگەرىن ۇرىپ-سوققانى تۋرالى حابارلاعان ەدى. بۇل جاعدايعا زاڭگەردىڭ "حابار" اگەنتتىگىنىڭ مەنشىكتى تىلشىسىنە "دۇرىس سالەمدەسپەۋى" سەبەپ بولعان. وقيعا 14 - ماۋسىم كۇنى بولعان، پوليتسەيلەردىڭ مالىمەتىنشە، زاڭگەر ۇيىندە بولعان كەزدە وعان ارىپتەستەرى قوڭىراۋ شالىپ، سىرتقا شىعۋدى سۇرايدى.

زاڭگەر اۋلاعا شىققان كەزدە قىزمەتتىك كولىكپەن كەلىپ تۇرعان فيليال باسشىسى مەن ونىڭ ورىنباسارىن جانە "حابار" اگەنتتىگىنىڭ جەرگىلىكتى ءتىلشىسىن كورەدى. باسشىلار كورگەن بەتتە ءوز قىزمەتكەرىن سوققىنىڭ استىنا العان. بۇل دەرەك بويىنشا "بۇزاقىلىق" بابىمەن قىلمىستىق ءىس قوزعالدى.

سوڭعى جاڭالىقتار