ەلباسىنىڭ تاپسىرمالارىن ساپاسىز ورىنداعان ساياسي مەملەكەتتىك قىزمەتشىلەر جازاعا تارتىلدى

كۇندەلىكتى فورماتتا پرەمەر-مينيستر كەڭسەسى باسشىلىعىنىڭ، مينيسترلەردىڭ ورىنباسارلارىنىڭ، جاۋاپتى حاتشىلاردىڭ، وبلىس اكىمدەرى ورىنباسارلارىنىڭ جانە ۇلتتىق كومپانيا باسشىلارىنىڭ مەملەكەت باسشىسى تاپسىرمالارى مەن اكتىلەرىن ساپالى ءارى دەر ۋاقىتىندا ورىندالۋى بويىنشا اتقارعان جۇمىستارى تۋرالى ەسەپتەرى تىڭدالۋدا.
كەزەكتى ەسەپتىڭ قورىتىندىسىندا پرەزيدەنتتىڭ 2010 - جىلدىڭ 27- ساۋىردەگى 976№ جارلىعىنا سايكەس، مەملەكەت باسشىسىنىڭ تاپسىرمالارىن ساپاسىز ورىنداعان بەس ساياسي قىزمەتشى تارتىپتىك جاۋاپكەرشىلىككە تارتىلدى.
پرەمەر-ءمينيستردىڭ بۇيرىعىمەن «2020- جىلعا دەيىنگى ەلدىڭ اگرو ونەركاسىپ كەشەنىن دامىتۋ باعدارلاماسىن ازىرلەۋ جونىندەگى» مەملەكەت باسشىسىنىڭ تاپسىرماسىن ساپاسىز ورىنداعانى ءۇشىن اۋىل شارۋاشىلىعى ۆيسە-ءمينيسترى س. وماروۆقا ەسكەرتۋ جاريالاندى.