ەلىمىزدە العاش رەت «ايتىس» ماماندىعى اشىلدى

مالىمەتتەرگە سۇيەنسەك، قازاقستاندىق عالىمدار، قوعام قايراتكەرلەرى، ونەر جاناشىرلارى مەن ۇلت زيالىلارى اقىلداسا كەلىپ، قازاق ۇلتتىق ونەر ۋنيۆەرسيتەتىنىڭ ءداستۇرلى ونەر فاكۋلتەتىنەن «ايتىس» ماماندىعىن اشۋدى ۇيعارعان.
بۇل باستاما مەملەكەت تاراپىنان قولداۋ تاۋىپ، 4 گرانت بولىنگەن.
ايتا كەتەيىك، بۇعان دەيىن وسىعان ۇقساس ماماندىق ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە بولعان. 2001 - جىلى قوعام جانە مەملەكەت قايراتكەرى، سول كەزدەگى ۋنيۆەرسيتەت رەكتورى مىرزاتاي جولداسبەكوۆتىڭ قولداۋىمەن «ءداستۇرلى مۋزىكالىق جانە پوەتيكالىق ونەر» اتتى ماماندىق اشىلىپ، قازاقتىڭ تالانتتى جاستارى ءبىلىم العان. كەيىن ۋنيۆەرسيتەت قۇرىلىمىن وزگەرتكەندە بۇل ماماندىق جابىلىپ قالعان.
جاڭا ماماندىققا قۇجاتتاردى قابىلداۋ ماۋسىم ايىنىڭ 30 - جۇلدىزىنا دەيىن جالعاسپاق.