نۇرسۇلتان نازاربايەۆتىڭ اقىن تۇمانباي مولداعاليەۆقا ولەڭمەن جاۋاپ بەرگەنىن بىلەسىزبە؟

استانا.قازاقپارات - حاندار مەن پاتشالار تۋرالى جىرلاماعان، ءسوز ايتپاعان قازاق ادەبيەتىندە جانر جوق دەسە دە بولاتىنداي. دەگەنمەن، قازىر زامان وزگەردى.
None
None

سوعان ساي تالاپ پەن تىلەك تە وزگەرىپ، جاڭا ارناعا اۋىستى. جۇرەكتەن شىققان ءسوز تاريحتان ورىن الارى ءسوزسىز. اسىرەسە بۇگىنگى ەلباسىمىز نۇرسۇلتان ءابىش ۇلى نازاربايەۆتىڭ ازاماتتىق بولمىسى، ادام - پەندە رەتىندەگى كەسكىن- كەلبەتى مەن تۇلعالىق بەينەسىن جىرلاۋ قازىرگى قازاق پوەزياسىنىڭ ۇلكەن ءبىر وزەگىنە اينالىپ وتىر. سوندىقتان دا، پرەزيدەنتتى جىرلاۋ اقىندار شىعارماشىلىعىنىڭ وزەگىنە اينالدى.

بۇل توپتىڭ باسىندا كورنەكتى اقىندار تۇمانباي مولداعاليەۆ، كۇلاش احمەتوۆا، فاريزا وڭعارسىنوۆا، ءشومىشباي ساريەۆ، نەسىپبەك ايت ۇلى، ت. ب. تۇرعانىن ايتۋ كەرەك. ءتىپتى بۇل اقىندار جەكەلەگەن ولەڭ شۋماقتارىندا عانا ەمەس، پوەزيانىڭ ءتۇرلى جانرىندا دا پرەزيدەنتتى باستى كەيىپكەر رەتىندە سۋرەتتەدى. ماسەلەن، ن. ايت ۇلىنىڭ «بايتەرەك» پوەماسى تۇڭعىش پرەزيدەنتتىڭ ەلگە ەتكەن ەڭبەكتەرى حاقىندا ءسوز قوزعاعان، كەلەشەك استانانىڭ ماڭىزى تۋرالى وي ايتقان شىعارما بولدى. ال اقىن تۇمانباي مەن پرەزيدەنتتىڭ اراسىنداعى تىلەكتەر مەن قۇتتىقتاۋلار ولەڭ تۇرىندە الماسقانى بەلگىلى.

ءشومىشباي ساريەۆتىڭ:

...جەر بەتىندەگى ءبىرىنشى قازاق،

مەن ساعان باسىمدى يەم...

بال- بۇلاقتار كوزىنىڭ جاسى دەرسىڭ،

قانشاما ەسىك اشىپ عاسىر ەنسىن.

ءبىر سەنەن باستالعان ءبىرىنشى قازاق،

ءۇش ءجۇزدىڭ ۇرپاعىنىڭ باسى سەنسىڭ، - دەپ ەلباسىن ءبىرىنشى قازاق، تۇڭعىش قازاققا تەڭەۋى ۇلكەن تەبىرەنىستەن كەلىپ شىققان وي-ورنەگىنىڭ جەمىسى دەپ تۇسىنگەنىمىز ابزال.

ال، اقىن كۇلاش احمەتوۆا:

سەن - قازاقسىڭ!

العىزبايتىن بارىسسىڭ!

ار-ۇجداننىڭ اسقاعىسىڭ، نامىسسىڭ!

تاعدىرىڭدى تانىعىسى كەلگەندەر

تاسقا باسقان تاريحىڭمەن تانىسسىن! - دەپ جىرلايدى. وسى ولەڭ جولدارىنداعى اقىننىڭ بارشا قازاق بالاسىن «بارىسقا» تەڭەگەندىگىن بايقايمىز. ال ونىڭ تۇپكى ماعىناسىندا قازاقتى الەمگە تانىتقان ءبىرىنشى قازاق ەلباسى تۇرعاندىعى ايدان انىق. بارىس- ازۋلى دا قايراتتى اڭ، ول ءبىزدىڭ تاۋەلسىزدىگىمىزدىڭ سيمۆولى. ءتىپتى «قازاقستاننىڭ - 2030» ستراتەگيالىق باعدارلاماسىندا ەلباسىنىڭ ءوزى بولاشاق قازاق مەملەكەتىن ورتا ازيانىڭ بارىسىنا تەڭەگەندىگى بەلگىلى. ال، كۇلاش اقىننىڭ ەلباسىنىڭ ءوزىن ازۋلى بارىسقا تەڭەۋى نۇرسۇلتان ءابىش ۇلى نازاربايەۆتىڭ ازاماتتىق بولمىسىنا بەرگەن وتە جوعارعى باعاسى. ءبىز ونى ادەبيەتتە تەڭەۋ دەپ اتاپ ءجۇرمىز. وسى تەڭەۋدىڭ ءوزىن ورىندى قولدانىپ، كوركەم تىلمەن ورنەكتەۋ - ەكىنىڭ ءبىرىنىڭ قولىنان كەلە بەرمەيتىن ءىس. ول ءۇشىن اقىننىڭ ءتىلى ورامدى، ايتار ويى انىق بولۋى شارت. بۇل ءسوز ونەرىنىڭ اقىندارعا قويعان تابيعي تالابى.

اقىن، سونداي- اق،

قايتىپ جاتىر ورالىپ ءتۇز التىنى،

الدا بيىك اسقار شىڭ، مۇزارت ۇلى.

پرەزيدەنت!

قازاقتىڭ دەربەستىگىن

بۇكىل دۇنيە تانىدى ءسىز ارقىلى، - دەپ ەلباسىنىڭ ازاماتتىق، تۇلعالىق بەينەسىن سومداۋمەن قاتار، وعان بولاشاق قازاق ەلىنىڭ تاعدىرىن دا امانات ەتكەن.

قازاقتىڭ ەڭ قۇدىرەتتى ونەرى - ءسوز ونەرى. ال، ەڭ قۇدىرەتتى ادام - ءسوز ونەرىن ۇستانعان ادام. ۇلتىمىزدىڭ تاريحتىڭ ۇزاق كوشىندە تالاي سالادان وزگەدەن قالىپ قويعان تۇستارى بولار. ءبىراق ءسوز ونەرىنەن، ونىڭ ىشىندە ولەڭنەن ەشكىمگە ەسە بەرمەگەنى انىق. وسى تۇرعىدان كەلگەندە ەلباسىمىزدىڭ دا ءسوز ونەرىنەن، شەشەندىكتەن كەندە ەمەس ەكەندىگىن ايتا كەتكەنىمىز ءجون. ماسەلەن، ونى تەك مىنبەرلەردە سويلەيتىن سوزىنەن عانا ەمەس، قازاقتىڭ كورنەكتى اقىنى تۇمانباي مولداعاليەۆ 2008 - جىلدىڭ قارساڭىندا ەلباسىنا جولداعان جاڭاجىلدىق قۇتتىقتاۋ حاتىنا بەرگەن جاۋابىنان دا كورۋگە بولادى. وندا بىلاي دەلىنگەن:

قازاعىمنىڭ تاپسام دەپ قالاي بابىن،

مەن ءجۇرمىن تاۋەلسىز ەل ويلاپ قامىن.

سەن جىرلاي بەر قازاقتىڭ باق، ىرىسىن،

جىلدان جىلعا امان بوپ، تۇمانبايىم!

جاقسىنى، جاماندى دا كوردى باسىم،

سوندىقتان اسىمايمىن، تاسىمايمىن.

تۇمانبايلار ءىسىمدى قولداپ جۇرسە،

باستاي بەرەم حالقىمدى، جاسىمايمىن.

حاتتىڭ سوڭىندا «اقىن ەمەس - ن. نازاربايەۆ» - دەپ قول قويىپ، جاۋاپ جازعانى، قازاققا ءتان ءسوز قادىرىن تۇسىنگەن بولمىستى كورسەتسە كەرەك. مۇنىڭ ءوزى بۇگىنگى ەلباسىمىزدىڭ پوەزيادان قۇرالاقان ەمەس جانە وعان ايتارلىقتاي كوڭىل بولەتىندىگىن اڭعارتادى.

قازاق ەلىنىڭ ءۇش باقىتى بار. ءبىرىنشى باقىتى - اتا-باباسىنان مۇرا بولىپ قالعان كەڭ بايتاق، باي اتامەكەنى - قازاق دالاسى. بۇل ۇعىمعا اتامەكەنىمىزدىڭ جەر استى، جەر ءۇستى تابيعي قازىنا - بايلىعى، مىڭداعان جىلعى تاريحى، جىرى، دۇنيەتانىمى، قايعى-قاسىرەتى، قۋانىشى، مەملەكەتى، قالالارى، ت. ب. سيادى.

ەكىنشى باقىتى - الەمدىك دەڭگەيدەگى ويشىلى - ابايى. حاكىم اباي.

ءۇشىنشى باقىتى - سوتسياليزمنەن تاۋەلسىزدىككە 1991 - جىلعا امان-ەسەن جەتكىزىپ، وتكەن جيىرما جىلدىڭ ىشىندە ەلدى وركەنيەتتى ەلدەر قاتارىنا قوسىپ، كەزىندە تارىداي شاشىلىپ كەتكەن قازاقتاردى اتا جۇرتىنا جيناپ، كەرەمەت ساۋلەتتى جاڭا قالا استانا سالىپ، ەلدىڭ شەكاراسىن ماڭگىلىككە قۇقىقتىق نەگىزدە بەكىتىپ، تاقىر جەرگە تاۋ تۇرعىزعانداي تەڭدەسى جوق ەرلىك، ياعني، مەملەكەت قۇرىپ، الەم جۇرتى اڭتارىلىپ داعدارىسقا تۇسكەندە، داعدارىستان شىعۋدىڭ كىلتىن ۇسىنعان، شىن مانىندە الەمدىك دەڭگەيدەگى ساياسي تۇلعا ەلباسى نۇرسۇلتان ءابىش ۇلى نازاربايەۆ. سوندىقتان دا، قازىرگى قازاق پوەزياسىنىڭ ازۋلى اقىندارى ەلباسىنىڭ تۇلعالىق سيپاتىن جىرلاۋى وتە ورىندى دەپ بىلگەنىمىز ءجون.

ءجازيرا ابدۋاليەۆا،

"اقجول گازەتى" 

سوڭعى جاڭالىقتار