ادام ساۋداسىمەن شۇعىلدانعاندار قاتاڭ جازالانادئ

قازاقستاندا سوڭعى ون جىلدا مىڭعا جۋىق جان ادام ساۋداسىنىڭ قۇربانى بولدى.
ۇيىمداسقان قىلمىستىڭ بۇل ءتۇرى قارۋ مەن ەسىرتكى ساتۋدان كەيىنگى ورىندا تۇر.
وتكەن جىلى وسىنداي قىلمىسقا قاتىستى 400 گە جۋىق ءىس قوزعالعان.
جاۋاپقا تارتىلعانداردىڭ دەنى ادامنىڭ ەڭبەگىن قاناپ، جاس قىزداردى جەڭىل جۇرىسكە يتەرمەلەگەن. باسى ساۋداعا ءتۇسىپ، سەرگەلدەڭ بولعان مۇنداي جاندارعا كورسەتىلەتىن الەۋمەتتىك كومەك كوڭىل كونشىتە مە؟
بۇگىن استانادا ميگراتسيا جونىندەگى حالىقارالىق ۇيىم ماماندارى جينالىپ، وسى ماسەلەنى تالقىلادى. بيىل ەلىمىزدە جاپا شەككەندەرگە الەۋمەتتىك كومەك بەرۋ ماقساتىندا ەل قازىناسىنان 25 ميلليون تەڭگە ءبولىنىپ وتىر.
تاستەمىر ابىشيەۆ، ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ حاتشىسى:
جىل سايىن 40-50 قىلمىستىق ءىس قوزعالادى، بۇل تۋرالى باس پروكۋراتۋرانىڭ مالىمەتى بار، سونىڭ ىشىندە جىلىنا 20-30 قىلمىستىق ءىس سوتقا جەتكىزەلدى. ادام ساۋداسىمەن شۇعىلدانعان ادامدار قاتاڭ جازاسىن الىپ وتىرادى.
شىنار اسان قىزى
«قازاقستان»