20:06, 27 - ماۋسىم 2014 | GMT +5
ن. نازاربايەۆ «الەم» بالەتىنىڭ تۇساۋكەسەرىنە قاتىستى
استانا. قازاقپارات - بۇگىن ەلباسى ن. نازاربايەۆ بەيبىتشىلىك جانە كەلىسىم سارايىندا «Astana Ballet» حورەوگرافيالىق ۇجىمىنىڭ ءىرى اۋقىمداعى تۇڭعىش قويىلىمى - «الەم» اتتى ءبىر اكتىلى بىرەگەي بالەتتىڭ شىمىلدىق اشار قويىلىمىنا قاتىستى.

قويىلىمنىڭ قويۋشى- حورەوگرافى - بەلگىلى رەسەي بالەتمەيستەرى نيكيتا دميتريەۆسكي.
«بارلىق بالەرينالار وتە تارتىمدى جانە وتە قاجىرلى. بۇل ۇلكەن ۇجىمدىق جۇمىس بولعاندىقتان بىزدەر ءبىر- ءبىرىمىزدىڭ پىكىرىمىزگە قۇلاق اسامىز، بۇل وتە ماڭىزدى» ، - دەيدى قويۋشى- حورەوگراف.
نيكيتا دميتريەۆسكيدىڭ سونى حورەوگرافياسى وزەكتى الەمدىك ۇردىستەر مەن قازاق بي مادەنيەتىنىڭ ءداستۇرلى اۋەنىنىڭ نازىك، سەزىمتال سينتەزىنە اينالدى. مۋلتيمەديا سالاسىنداعى رەسەيدىڭ جەتەكشى ماماندارىنىڭ ءبىرى لەونيد باسين سپەكتاكلدىڭ بەينەلىك تۇجىرىمىن دا قازاقستاننىڭ باي مادەنيەتىنىڭ ەرەكشەلىكتەرىن ەسەپكە الا وتىرىپ جاسادى. اۋەنىن ەتنو- كومپوزيتور بولات عافاروۆ، ليبرەتتونى بەلگىلى اقىن، سەناريشى باقىت قايىربەكوۆ جازدى.