08:18, 26 - ماۋسىم 2014 | GMT +5
زەرتتەۋشىلەر: ۇيىندە مىسىق اسىراعان ەر ادامداردىڭ دەنساۋلىعى جاقسارادى
استانا. قازاقپارات - ەدينبۋرگ عالىمدارىنىڭ جاقىندا جۇرگىزگەن زەرتتەۋلەرىنە سايكەس ۇيدە مىسىق اسىراۋ ادامداردىڭ دەنساۋلىعىنا وڭ اسەرىن تيگىزەدى ەكەن.

مامىق جانۋاردىڭ اسىرەسە، ەر ادامدارعا پايداسى كوبىرەك بولىپ شىقتى.
زەرتتەۋشىلەر مىسىقتىڭ نازىك جاندىلارعا قاراعاندا، ەر ادامدارعا كوبىرەك اسەرىن تيگىزەتىنىن انىقتاعان. دارىگەرلەر بۇل ءتورت اياقتى جانۋاردى ۇيدە ۇستاۋ ەر ادامداردا جۇرەك تالماسى مەن ينسۋلتتىڭ تۋىنداۋ قاۋپىن 20 پايىزعا دەيىن ازايتادى دەپ ەسەپتەيدى.
زەرتتەۋگە 40-85 جاس ارالىعىنداعى 10 مىڭ ادام تارتىلعان. دەرەكتەرگە سايكەس، 85 جاسقا دەيىن ءومىر سۇرگەن ەر ادامداردىڭ 70 پايىزى ۇيلەرىندە مىسىق اسىراعان بولىپ شىقتى.
بيولوگتاردىڭ ايتۋىنشا، بۇل وسى جانۋارمەن ۇزاق ارالاسقاننان كەيىن تۋىندايتىن وڭ اسەرگە بايلانىستى. ياعني مىسىق پىرىلداپ ەركەلەگەندە ادامنىڭ قان قىسىمى تومەندەپ، ونىڭ بويىندا باقىت گورمونى تۇزىلەدى، دەپ جازادى روسبالت.