ۋكراينادا قازاق بالاسىنا جاسالعان وپەراتسيا ءساتتى ءوتتى

استانا. قازاقپارات  -ۋكراينانىڭ دارىگەرلەرى جۇرەگىندە اقاۋى بار قازاقستاندىق بالاعا وپەراتسيا جاساپ، ءومىرىن امان الىپ قالدى.

 قازىر 14 جاستاعى عاني ءامىرجان ەركىن دەمالىپ، ءوزىن جاقسى سەزىندى. وپەراتسيا 7 مىڭ ەۋروعا باعالاندى. قوماقتى قاراجاتتى ارۋجان ساين باسقاراتىن قايىرىمدىلىق قورى ءبولدى.

 ءبىرقاتار ەل وپەراتسيا جاساۋدان باس تارتتى. ال عانيدىڭ ەركىن تىنىس الۋى ودان ءارى ناشارلاي ءتۇستى دەپ ەسىنە الادى اناسى. قازىر قيىن كۇندەر ارتتا قالدى. ۋكراينانىڭ بىلىكتى دارىگەرلەرى جاساعان وپەراتسيا 4 ساعاتقا سوزىلىپ، ءساتتى اياقتالدى.

الەكساندر بابلياك، ۋكراينانىڭ كارديوحيرۋرگيا جانە بالالار كارديولوگياسى عىلىمي-تاجىريبەلىك ورتالىعىنىڭ دارىگەرى:

 - ءبارى ويداعىداي ءوتتى. جۇرەك قان تامىرىنا وپەراتسيا جاسالدى. مۇنداي دەرتكە وپەراتسيا بىرنەشە رەت جاسالدى. بۇگىن ءبىز وكپە ارتەرياسىنا ارنايى پروتەز قويدىق. بالا كوپ ۇزاماي، ەركىن ءجۇرىپ-تۇرىپ، ويناپ، ەركىن دەم الا الاتىن بولدى.

عانيدىڭ اناسى قۋانىشتان كوزىنە جاس الدى. اۋىر دەرتتەن كوكپەڭبەك بولىپ كەتكەن بالاسىنىڭ قاسىنان شىقپايدى. ءبىرىنشى ءارى قيىن وپەراتسيامىز ءساتتى جاسالدى، ەندى امان-ەسەن وتانىمىزعا ورالساق دەيدى ول.

ريما تۇرسىنمۇحامەتوۆا، عانيدىڭ اناسى:

 - قازىر كوڭىل كۇيىم جاقسى. امان-ەسەن وتانىمىزعا ورالساق دەيمىز. بالام امان-ەسەن ەكى اياعىنان تىك تۇرىپ، مەكتەپكە بارسا ەكەن. ۋكراينالىق دارىگەرلەرگە كوپتەن كوپ راحمەت ايتامىن. سول كىسىلەردىڭ ەڭبەگى.

 كوپ بالالى ءارى قاراپايىم وتباسىنىڭ مۇنداي وپەراتسيانى قالتاسى كوتەرمەسى انىق. بۇل رەتتە قازاقستاندىق قايىرىمدىلىق قوردىڭ ەڭبەگى زور. ناۋقاس جانعا قولىن سوزعان قورعا ريما انانىڭ العىسى شەكسىز. ەندى عايني دەنى ساۋ بالالارداي دوپ تەۋىپ، شاۋىپ كەتەتىن كۇنى الىس ەمەس.

   24.kz