قازاقستانداعى ەڭ ۇزدىك وتباسى انىقتالادى

بۇل تۋرالى ق ر پرەزيدەنتى جانىنداعى ايەلدەر ءىسى جانە وتباسى- دەموگرافيالىق ساياسات جونىندەگى ۇلتتىق كوميتەت ءتورايىمى ماحاببات بەكبوسىنوۆا ايتتى.
«وزدەرىڭىز بىلەسىزدەر، سايىستىڭ وبلىستىق كەزەڭى 23 - مامىردا وتكەن بولاتىن. وندا جەڭىسكە جەتكەن وتباسىلار استانادا وتەتىن كونكۋرستىڭ اقتىق سايىسى مەن «مەرەيلى وتباسى» گالا- كونسەرتىنە قاتىسۋعا مۇمكىندىك الدى. بۇل شارا وتباسى كۇنى قارساڭىندا وتكىزىلىپ، 14- قىركۇيەك كۇنى ەلىمىزدەگى ەڭ ۇزدىك وتباسى بەلگىلى بولادى» ، - دەدى م. بەكبوسىنوۆا و ك ق ۇيىمداستىرعان بريفينگتە.
ونىڭ ايتۋىنشا، «مەرەيلى وتباسى» كونكۋرسى بيىل قازاقستاننىڭ بارلىق وڭىرلەرىندە 1- ساۋىردە باستالعان بولاتىن. وعان 500 دەن استام وتباسى قاتىستى.
«سايىستىڭ ءبىرىنشى كەزەڭى قالالار مەن اۋداندار دەڭگەيىندە ءوتتى. ال ەكىنشى كەزەڭ وبلىستار مەن استانا، الماتى قالالارى دەڭگەيىندە ءوتتى» ، - دەپ اتاپ ءوتتى م. بەكبوسىنوۆا.
ايتا كەتەيىك، اقتىق سىنعا وتكەن 16 ۇمىتكەر وتباسىنىڭ ىشىندە ۇزدىگىن تاڭداۋ SMS- حابارلامالار جانە ينتەرنەت ارقىلى داۋىس بەرۋ ناتيجەسىندە جۇرگىزىلەدى. داۋىس بەرۋدىڭ باستالۋى تۋرالى اقپارات ۇلتتىق تەلەارنالار ارقىلى جاريالانادى. فينالدىڭ تەلەنۇسقاسى وتباسى كۇنى، ياعني 14 - قىركۇيەكتە كورسەتىلەدى.
اۆتور: ءابۋ- اسقار مەكەش ۇلى