قازىرگى زاماننىڭ قىزدارى

استانا. قازاقپارات - جىگىت بولعاننان كەيىن، بولاشاق جار تۋرالى، قىز تۋرالى وي قوزعاۋ قالىپتى جاعداي.

بەلگىلى ءبىر جاسقا كەلگەننەن كەيىن، ارينە.

ءبىراق، وزدەرىنىڭ ويىن ءبىر پەرىشتەنىڭ ءسوزى سانايتىن كەيبىر ادامداردىڭ وزدەرى تولىق بىلمەيتىن ادامدار حاققىندا وي وربىتۋلەرى ماعان قاتتى ۇناماي ءجۇر سوڭعى كەزدەرى.

ءتىپتى، وزدەرى اسپاننان سالبىراپ، تاپ-تازا بوپ تۇسە سالعان سەكىلدى. كەيدە زامانىمىزعا قاراپ قورقا باستايمىن، نە بوپ كەتتى دەپ.

الدە ءبىز جامانبىز با، الدە ءبىزدى جاماندايتىندار جامان با، بىلمەيمىن. دەگەنمەن، قورىتىندى اربىرىمىزگە.

سول تالقىلاندى بولىپ جۇرگەن تاقىرىپتاردىڭ ءبىرى - قىزدار ماسەلەسى. بۇل ماسەلەدەگى دانيار اعامنىڭ ويى مەنڭ قاناعاتتاندىردى. ءتىپتى، مەنىڭ تابا الماي جۇرگەن كەيبىر سۇراقتارىمنىڭ جاۋابىن پىستە سەكىلدى شاعىپ بەردى دەسەم دە بولادى. وڭ باعاسىن بەرىڭدەر:

دانيار اعام بىلاي دەيدى:

"قۇرمەتتى باۋىرلار. سوڭعى كەزدەرى قوعامداعى قىزداردىڭ ناشارلىعى تۋرالى ينتەرنەتتە نەشە ءتۇرلى ولەڭدەر مەن بەينەكليپتەر پايدا بولىپ كەتتى. كوبىسىن ءوزىم قاراي المادىم شىنىمدى ايتسام. وتىنەمىن، ولاردى جامانداي بەرگەنشە ءبىرىنشى رەتتە ءوزىمىزدى تۇزەپ العان ءجون بولار.

شىنىمدى ايتسام ولارعا قاراپ ەشتەڭە دەي المايمىن، ويتكەنى ءوزىمنىڭ جەتىسىپ جۇرگەنىم شامالى. نەگىزى مورالدىك-ەتيكالىق قۇندىلىقتار تەك ءبىر ادام نەمەسە ءبىر عانا قىزدارمەن ساقتالمايدى، ول دەگەن بۇكىل قوعاممەن بىرگە ءومىر سۇرىلەتىن نارسە. قىزداردىڭ كوشەدە نەمەسە باسقا جەردە جارتىلاي جالاڭاش جۇرگەنى كوزىمىزگە قاتتى باتادى، الايدا بۇل نارسەگە يتەرمەلەگەن ءوزىمىز دە بارمىز.

ەگەر ءبىزدىڭ قوعامداعى ەر ازاماتتاردىڭ بارلىعى شەشىنگەن قىزعا قارسى كوزىن جۇمىپ، ولارعا مۇلدەم قارامايتىن بولسا، جارتىلاي جالاڭاش قىزدارىمىز ەشبىر ەركەككە ۇنامايتىن بولسا، وندا ولاردىڭ وزدەرى-اق كيىنە باستايدى.

نەگىزى قارسى جىنىستاعىلاردىڭ ءبىرىن-ءبىرى تارتۋى، سيمپاتيا جاراتۋى وتە ورىندى نارسە. سوندىقتان ەر ادام بولسىن، قىز بالا بولسىن قارسى الدىنداعى ادامعا ۇناۋ ءۇشىن قولىنان كەلگەنىن جاسايدى. قىز بالالار بىلاي ويلاۋى مۇمكىن: ەر ادامعا جارتىلاي جالاڭاش، دەنەسىنىڭ ءبىر بولىگى كورىنىپ تۇرعان قىزدار ۇنايدى، سول ءۇشىن مەن سولاي كيىنەمىن، دەيدى.

ءوز كەزەگىندە ەر ادامدار بىلاي ويلايدى: قىز بالالارعا ءوز-وزىنە سەنىمدى، ەرجەتكەن جىگىتتەر ۇنايدى، سوندىقتان مەن ولارعا ءوزىمنىڭ جەتىلگەن ەر ازامات ەكەنىمدى كورسەتۋ ءۇشىن تەمەكى تارتامىن نەمەسە سىرا ىشەمىن، دەيدى. بۇل نارسە تەك ەر ادام نەمەسە قىز بالانىڭ ناشارلىعى ەمەس، بۇل قوعامنىڭ ناشارلىعى. بۇل ماسەلەدە اركىمنىڭ جاۋاپكەرشىلىگى بار دەپ ويلايمىن. سوندىقتان، وتىنەمىن، ءبىر-ءبىرىمىزدى جامانداي بەرگەنشە، ودان دا ءبىر-بىرىمىزگە ۇلگى بولۋعا تىرىسايىق، اعايىن. قاتتى تاقۋا بولىپ بارا جاتساڭدار الدىمەن ءوز كوزىمىزگە يە بولۋدى ۇيرەنەيىك.

PS: ءوزىم كەزدەسكەن قانشاما قىزعا ەتەگىڭدى نەمەسە كەۋدەڭدى جاپشى دەپ سۇراعانىمدا، ايتقانىما ىزالانىپ ءوزىم بىلەم دەگەنىن ءالى كەزدەستىرمەدىم. كەرىسىنشە، ۇيالىپ كيىمىن قىمتانا كيىنگەندەرى بولدى. مەنىمەن كەزدەسكەندەر مۇنى وزدەرى-اق بىلەدى، - دەيدى دانيار اعامىز. اعامدى قولدايمىن. ەلىڭدى تۇزەيمىن دەسەڭ بەسىگىڭدى تۇزە دەيدى قازاق حالقىم. بۇل جەردەگى بەسىكتىڭ ماعىناسى كەڭ اۋقىمدا قولدانىلىپ تۇر ەكەنىن ۇمىتپايىق. سونىڭ ءبىر ۇشى - وسى وزىمىزگە كەپ تيەدى. وزىمىدەن باستايىق اعايىن.

تەمىر تروستى شىنجىردىڭ ءۇزىلۋى ءۇشىن، قۇرامىنداعى ءبىر دوڭگەلەكشەنىڭ بوساپ كەتۋى جەتكلىكتى. ەگەر الەمدى وزگەرتەم دەسەڭ، وزىڭنەن باستاعانىڭ جەتكىلىكتى.

blogtime