ۇيىقتامايتىن ادامدار

ياعني، ءومىر ءسۇرۋ جاسىنىڭ ۇزاقتىعىنا قاراي (75-90 جىل ءومىر سۇرگەن ادام) ادام 25-30 -جىل ۇيقىدا بولادى ەكەن. نەگىزى ۇيقى كۇندىز جوعالتقان كۇش-قۋاتتى قالپىنا كەلتىرۋ ءۇشىن قاجەت.
ياعني تۇندە دۇرىس ۇيىقتاماعان ادام كۇندىز تولىقتاي جۇمىس اتقارا المايدى، تەز شارشاۋدى سەزىنەدى. مۇنداي قۇبىلىستى كوپشىلىگىمىز ءوز باسىمىزدان دا وتكىزگەن شىعارمىز.
بۇگىن «الاش ايناسى» گازەتى «وتباسى-وشاق قاسى» ايدارىندا ۇيىقتامايتىن ادامدار جايلى ايتاتىن بولادى.
دارىگەرلەردىڭ ايتۋىنشا، ادام بالاسى ەكى اپتادان ارتىق ۇيقىسىز ءومىر سۇرە المايدى. ولاردىڭ پايىمداۋىنشا، قالىپتى ۇيقى ەرەسەك ادام ءۇشىن كۇنىنە 7-8 ساعات، ال سابيلەر مەن بالالارعا 9-10 ساعات.
قارتايمايتىن ادام
گەرمانيانىڭ گاللە قالاسىندا تۇرادى ياكوۆ تسيپەروۆيچ دەگەن ازامات 1979 - جىلى قاتتى ۋلانىپ، كلينيكالىق ولىمگە تاپ بولادى. نەگىزىنەن كلينيكالىق ءولىم 5 مينۋتقا سوزىلادى. الايدا، ياكوۆ كلينيكالىق ءولىم جاعدايىندا شامامەن ءبىر ساعات جاتقان.
كلينيكالىق ولىمگە تاپ بولىپ، قايتا ءتىرىلىپ، قالىپتى ءومىر سۇرەتىندەر كوپ. الايدا كلينيكالىق ولىمگە تاپ بولعان كەي ادامدار ويانعاندا ەرەكشە قابىلەتپەن نە تۇسىنىكسىز كۇيمەن ويانادى. سونداي ادامنىڭ ءبىرى - ياكوۆ تسيپەروۆيچ. ول قايتا تىرىلگەن سوڭ ۇيقىسىزدىققا دۋشار بولعان.
ول ءتىپتى جاتىپ تىنىعا دا المايتىن بولعان، ويتكەنى جاتسا ونى بەيمالىم كۇش جوعارى قاراي لاقتىرىپ تاستايدى ەكەن. ال دارىگەرلەردىڭ مۇنداي قۇبىلىستىڭ الدىندا دارمەنسىز ەكەنىن مويىنداۋدان باسقا امالى قالماعان.
شىعىستىق مەديتاتسيالارمەن جاقىن تانىسىپ، 1995 - جىلدان باستاپ ول يوگامەن اينالىسا باستايدى. ناتيجەسىندە كۇنىنەن 2-3 ساعات كوز ىلۋگە مۇمكىندىك الادى. ءبىر قىزىعى، وسى جىلدارى ياكوۆ تسيپەروۆيچتىڭ سىرت كەلبەتى مۇلدە وزگەرمەگەن. بۇگىندە ونىڭ ونىڭ جاسى 50 دەن اسقان. الايدا ونىڭ كەلبەتىنە قاراپ جيىرما بەس جاسار جىگىت دەپ ويلايسىز.
تاعى ءبىر تاڭ قالارلىعى 1979 - جىلعى كلينيكالىق ولىمنەن كەيىن ونىڭ دەنە قىزۋى 34 گرادۋستان كوتەرىلمەي قويعان. بۇگىنگى كۇنى ونىڭ كەلبەتىنىڭ جاس قالپىندا ساقتالۋىن زەرتتەۋشى-ماماندار وسى تومەن تەمپەراتۋرامەن بايلانىستىرادى.
40 جىل ۇيىقتاماعان جاۋىنگەر
ءبىرىنشى دۇنيەجۇزىلىك سوعىسقا قاتىسقان ۆەنگرلىك جاۋىنگەر پول كەرن قان مايداندا ەرجۇرەكتىلىگىمەن ەرەكشە كوزگە تۇسەدى. سوعىستا ول باسقارعان روتانىڭ ساربازدارى تۇگەلىمىەن قىرىلادى، الايدا ول تايسالماستان ۇرىستى جالعاستىرا بەرەدى. وسىنداي ەرلىگى ءۇشىن پول كەرن «باتىر» اتاعى مەن ءتۇرلى ماراپاتتارعا يە بولعان.
تاعى ءبىر شايقاستا پول جاراقات الادى. سامايدان تيگەن وق ميدىڭ جارتى بولىگىن زاقىمدايدى. ماڭداي سۇيەكتەن تۇك قالمايدى. نەگىزى مۇنداي جاراقاتتان ادام ءتىرى قالۋى مۇمكىن ەمەس ەدى. الايدا، پول كەرن امان قالادى. ال دارىگەرلەر ونىڭ امان قالعانىنا تاڭ قالىسىپ، وعان ەشقانداي تۇسىنىك بەرە المايدى. ءبىراق جاراقاتىنان ايىققان سوڭ ول ۇيقىسىزدىق اۋرۋىنا شالدىعادى.
مۇنداي كۇيگە تاپ بولعان پول كەرندى دارىگەرلەر مۇقيات تەكسەرەدى، الايدا ونىڭ سەبەبىن انىقتاي المايدى. دارىگەرلەر ناۋقاسقا ءارتۇرلى ۇيىقتاتاتىن ءدارى دە بەرگەن، ءبىراق ەشقانداي ءدارى اسەر ەتپەگەن. ءبىر قىزىعى ول ۇيىقتاماسا دا شارشاۋدى سەزىنبەگەن. پول كەرن 40 جىل بويى ۇيىقتاماي، 1955 - جىلى قايتىس بولعان.
ال، وڭتۇستىك امەريكانىڭ سيۋداددەل-كابو قالاسىنىڭ تۇرعىنى 281 ساعات 55 مينۋت ۇيقىسىز جۇرگەن.
دەرەك
مامانداردىڭ زەرتتەۋىنشە، ا ق ش-تىڭ ءاربىر ءۇشىنشى، انگليانىڭ ءاربىر ءتورتىنشى، فرانسيانىڭ ءاربىر بەسىنشى تۇرعىنى قالىپتى ۇيىقتامايدى ەكەن.. سوندىقتان ول ەلدەردە ۇيىقتاتاتىن دارىگە سۇرانىس جوعارى. ونداي مەملەكەتتەردىڭ كوشىن ا ق ش باستايدى. ال انگليادا دارىگەرلەر جازىپ بەرگەن بارلىق رەتسەپتەردىڭ 10 پايىزى ۇيىقتاتاتىن دارىلەرگە تيەسىلى ەكەن.
اۆتور: قالدار كومەكبايەۆ