ق ر پرەزيدەنتى اقتوبە وبلىسىنداعى مەملەكەتتىك باعدارلامالاردىڭ ورىندالۋىن سىنعا الدى

اقتوبە. قازاقپارات - ق ر پرەزيدەنتى نۇرسۇلتان نازاربايەۆ اقتوبە وبلىسىنا ساپارى بارىسىندا «س ن پ س «اقتوبە مۇناي گاز» ا ق وكىلدەرىمەن كەزدەسۋ بارىسىندا ايماقتاعى مەملەكەتتىك باعدارلامالاردىڭ ورىندالۋىن سىنعا الدى.
None
None

ەلباسى اتاپ كورسەتكەن ولقىلىقتاردىڭ اراسىندا تاۋ-كەن ونەركاسىبىنە قاراعاندا وڭدەۋشى ونەركاسىپتىڭ اقساپ تۇرعانى، اۋىلدىق جەرلەردە شاعىن بيزنەستىڭ باياۋ دامۋى، اۋدانداردا تۇرعىن ۇيلەردى جاڭارتۋ، اۋىل شارۋاشىلىعىنىڭ كەنجە دامۋى، اپاتتى جاعدايداعى مەكتەپتەر بار.

«اقتوبە وبلىسى ەكونوميكاسىنىڭ نەگىزىن تاۋ-كەن ءوندىرۋ سالاسى قۇرايدى. ەلىمىز ءۇشىن اقتوبە وبلىسى ۇلكەن ماڭىزعا يە، سوندىقتان وبلىس اكىمىنە جانە اتقارۋشى ورگاندارعا قاتاڭ تالاپتار قويىلادى. 90- جىلداردىڭ باسىندا تاۋ-كەن ءوندىرىسى 72 پايىزدى، ال وڭدەۋشى ونەركاسىپ سالاسى 68 پايىزدى قۇراعان ەدى. ءبىز جۇمىس جاساپ، جاڭا نىسانداردى پايدالانۋعا بەرىپ جاتىرمىز، ءبىراق ءبارى كەرىسىنشە بولىپ وتىر: تاۋ-كەن ءوندىرىسى - 78 پايىز، ال وڭدەۋشى ونەركاسىپ سالاسى 22 پايىزعا دەيىن قۇلادى»، - دەدى پرەزيدەنت ايماق باسشىسىنا قاراتا ايتقان سوزىندە.

ماسەلەن، يندۋستريالاندىرۋ كارتاسى بويىنشا پايدالانۋعا بەرىلگەن 11 نىسان تولىق كۇشىنە ەنگەن جوق.

«بيىلدان باستاپ تاۋ-كەن وندىرىسىنە قاراعاندا وڭدەۋشى ونەركاسىپ وزا داميتىن بولادى. 11 جوبادان 6 جوبا قالدى، قالعان ماسەلەلەر شەشىلۋدە، بۇگىنگى تاڭدا توقتاپ تۇرعان ەشقانداي ءوندىرىس وشاعى جوق»، - دەپ جاۋاپ بەردى اكىم.

«بارلىق جوبالار جۇمىس جاساپ تۇر، ءبىراق 5-10 جوبانىڭ جاعدايى قيىن. بۇلاردىڭ ىشىندە 6 كاسىپورىن 25-30 پايىزدىق قۋاتتىلىق دەڭگەيىنە جەتتى، جاعداي ەكونوميكانىڭ تۇراقتى دەڭگەيگە كوشۋىمەن وڭالۋى ءتيىس»، - دەدى يندۋستريا جانە جاڭا تەحنولوگيالار ءمينيسترى اسەت يسەكەشيەۆ.

سونداي-اق، پرەزيدەنت وبلىستاعى سۋبسيديالانعان شاعىن جانە ورتا بيزنەستىڭ 80 پايىزى اۋىلدى جەرلەرگە ەمەس، وبلىس ورتالىعىنا تيەسىلى ەكەندىگىنە ءمان بەردى. ايماقتا اۋىل شارۋاشىلىعى كەنجە دامۋ ۇستىندە. وبلىسقا ءىشىپ-جەم ونىمدەرى يمپورتتالۋدا - تەك 3 جىل ىشىندە وبلىسقا 800 ملن. دوللارلىق ازىق-تۇلىك ءونىمى يمپورتتالعان.

سوڭعى جاڭالىقتار