قالىڭ شاش قويۋ سۇلۋلىق پا، سۇمدىق پا؟

سويتسە ءبىر قىز وندا «شايتان» دەگەن پىكىر قالدىرىپ كەتكەن.
مەن سونى كورگەندە ءوز كوزىمە ءوزىم سەنبەدىم.
اينالدىرعان جارتى عاسىردىڭ ىشىندە شاش قويۋ ۇلگىسى قاتتى وزگەرگەنى سونشالىق،
اتا-بابالارىمىز سۇلۋلىق سيمۆولى ساناعاندى ۇرپاعى شايتانعا تەڭەپ جاتىر.
بۇل دەگەن...
«ەلۋ جىلدا ەل جاڭا، ءجۇز جىلدا قازان» دەگەن ماتەلدىڭ بەكەر ايتىلماعانىن وسىدان-اق كورۋگە بولاتىن شىعار. شاشتارىن يىقتان جوعارى كەسىپ الىپ وزدەرىن ءسانقويمىن دەيتىندەرگە قالاي تاڭقالماسسىڭ؟ ءجا، ەندى وسى ۇزىن شاشتىڭ انىقتاماسىنا كوشەلىك.
ايەلدەردىڭ ورىلگەن ۇزىن شاشىن - «بۇرىم» دەپ اتايدى. قازاق حالقىنىڭ ءداستۇرلى دۇنيەتانىمىندا ورىلگەن ۇزىن بۇرىم سۇلۋلىقتىڭ ءسانى سانالعان. وعان شاشباۋ تاعىپ، ايىرىقشا كۇتىمگە العان. بۇرىم جالعىز جانە قوس ءورىم بولادى. شاشتى قىرقىپ كەسپەي، توبىعىنا دەيىن جەتكىزە ءوسىرۋ - بويجەتكەننىڭ سىمباتىن اسىراتىن ءسانى بولعان.
شاشتىڭ قويۋلىعى مەن سۇيىقتىعىنا قاراي بۇرىم دا ۇلكەن جانە كىشى بولىپ كەلەدى. جۋان بۇرىمدى جەڭدى بىلەكتەي، قوس بۇرىمدى تاۋ باسىنان قۇلاعان بۇلاقتاي دەپ، ەرەكشە ماداقتاعان.
بۇرىم وسىرۋگە قىزدار جاس كەزىنەن ايىرىقشا كوڭىل بولگەن. شەشەسى، جەڭگەسى نەمەسە قۇربى قىزدارى ورۋگە كومەكتەستكەن. سول ورىمگە مارجان، كۇمىس شاشباۋ تاعىپ بەزەندىرگەن. شاش تەك سۇلۋلىق پەن مادەنيەتتىلىك بەلگىسى عانا ەمەس، ول ايەلدەر قاۋىمىنا بەرىلگەن اللانىڭ ايرىقشا سىيى، قۇرمەتى، ءسانى، ەنشىسى. شولپى، شاشباۋ، شاشتەڭگە، شاشقاپ - سول سىي قۇرمەتكە ساي ءار ايەلدىڭ اسەم تابيعاتىمەن نازىك جاراتىلىسىنا لايىقتالعان قازاقتىڭ تالعامپازدىق ۇلەسى ءارى ۇلتتتىق سىر-سىيپاتى.
دانا ابايدىڭ ءوزى بۇرىمدى قىزعا مىناداي ولەڭ جازىپ كەتكەن ەكەن:
بىلەكتەي ارقاسىندا ورگەن بۇرىم،
شولپىسى سىلدىر قاعىپ جۇرسە اقىرىن.
كامشات بورىك، اق تاماق، قارا قاستى،
سۇلۋ قىزدىڭ كورىپ پە ەڭ مۇنداي ءتۇرىن.
الاسىز قارا كوزى اينادايىن،
جۇرەككە ىستىق ءتيىپ سالعان سايىن،
ۇلبىرەگەن اق ەتتى، اشىق ءجۇزدى،
ءتىسى ادەمى كورىپ پە ەڭ قىزدىڭ جايىن؟
بۇراڭ بەل، بويى سۇلۋ، كىشكەنە اياق،
بولادى وسىنداي قىز نەكەن-ساياق.
پىسكەن الما سەكىلدى ءتاتتى قىزدى
بولامىن دا تۇرامىن كورگەندەي اق.
ەگەردە قولىڭ تيسە بىلەگىنە،
لۇپىلدەپ قان سوعادى جۇرەگىڭە.
بەتىڭدى تاياپ بارساڭ، تاماعىنا،
شىمىرلاپ بۋ ەنەدى سۇيەگىڭە.
سونىمەن، قالىڭ شاش شىنىمەن شايتاني دەپ قاراۋىمىز دۇرىس پا؟ ەگەر شىنىمەن سولاي بولسا، نەگە تەلەديدارداعى سۋسابىن (شامپۋن) جارنامالارىندا قولاڭ شاشتارى بەلدەرىنەن اساتىن قىزدار جۇرەدى؟ وسىعان جاۋاپ تاپقانىڭىزدا بۇرىمنىڭ دا كەرەك-كەرەك ەمەستىگىنە كوزىڭىز جەتەر!
blogtime