ەلباسى اقتوبەدە جاڭا فەررو قورىتپا زاۋىتىن ىسكە قوستى

قۋاتتىلىعى 440 مىڭ توننا جوعارى كومىرتەكتى فەررو حروم جانە قۇنى 843 ميلليون دوللار بولاتىن زاۋىت اقتوبەدەگى رەسپۋبليكالىق يندۋستريالاندىرۋ كارتاسىنا ەنگىزىلگەن ەڭ ءىرى ينۆەستيتسيالىق جوبا بولىپ تابىلادى.
جوبا الەمدە بالاماسى جوق جوعارى كومىرتەكتى فەرروحروم وندىرىسىنە يننوۆاتسيالىق تەحنولوگيالاردى ەنگىزۋدى، سونىمەن بىرگە، ەلەكتر جابدىقتاۋدىڭ جاڭا جۇيەلەرىن، اۆتوماتيزاتسيا مەن تۇراقتى توق پەشتەرىن پايدالانۋدى قاراستىرىپ وتىر.
مەملەكەت باسشىسى تەتىكتى باسۋ ارقىلى زاۋىتتىڭ ءبىرىنشى بالقىتۋ پەشىن ىسكە قوستى. LED- ەكراندا on-line رەجيمدە پەشتىڭ پۋلتتى جۇمىسىنىڭ مونيتورلار بويىنشا ترانسلياتسياسى باستالدى. وندا پەشتىڭ تەمپەراتۋراسى، سالقىنداۋ پارامەترلەرى مەن تەحنولوگيالىق پروتسەسس كورسەتىلدى.
جاڭا زاۋىتتىڭ ىسكە قوسىلۋىمەن قازاقستاننىڭ جوعارى كومىرتەكتى فەررو حروم شىعارۋ بويىنشا ەكسپورتتىق الەۋەتى 16 پايىزعا، ال اقتوبە وبلىسىنىڭ 46 پايىزعا وسەدى.
2013-2014 - جىلدارى ا ف ق ز 284-282 مىڭ توننا جوعارى كومىرتەكتى فەرروحرومدى جاڭا زاۋىتسىز ءوندىرۋدى كوزدەسە، 2015 -جىلى - 680 مىڭ توننا وندىرمەك.