12:22, 23 - ماۋسىم 2014 | GMT +5
ق ح ر ءتوراعاسى شي جينپيڭ نازاربايەۆ ۋنيۆەرسيتەتىنىڭ ستۋدەنتتەرىمەن جانە وقىتۋشىلارىمەن كەزدەسەدى
بەيجىڭ. قازاقپارات - ق ح ر ءتوراعاسى شي جينپيڭ سەيسەنبى كۇنى بەيجىڭدەگى حالىقتىق جيىندار ۇيىندە نازاربايەۆ ۋنيۆەرسيتەتىنىڭ ستۋدەنتتەرىمەن جانە وقىتۋشىلارىمەن كەزدەسەدى.

وتكەن اپتادا نازاربايەۆ ۋنيۆەرسيتەتىنىڭ 200 ستۋدەنتى قىتايدىڭ جازعى لاگەرلەرىنە اتتاندى. دەلەگاسيا قىتايدىڭ شاڭحاي مەگاپوليسىن ارالاپ شىقتى.
جەكسەنبى كۇنى نازاربايەۆ ۋنيۆەرسيتەتىنىڭ ستۋدەنتتەر دەلەگاسياسى بەيجىڭگە كەلدى. ولار قىتايدىڭ جەتەكشى جوعارى وقۋ ورنى - شينحۋا ۋنيۆەرسيتەتىندە بولدى. بۇگىن ولار بەيجىڭ ۋنيۆەرسيتەتىندەگى وزدەرىنىڭ قىتايلىق قۇرداستارىمەن كەزدەسىپ، قازاقستان- قىتاي ستۋدەنتتىك فورۋمىنا قاتىسادى.
ەسكە سالا كەتەيىك، ق ح ر ءتوراعاسى شي جينپيڭ وتكەن جىلى قازاقستانعا جاساعان مەملەكەتتىك ساپارى بارىسىندا نازاربايەۆ ۋنيۆەرسيتەتىنىڭ ستۋدەنتتەرى مەن وقىتۋشىلارىن قىتايدىڭ جازعى لاگەرلەرىنە كەلۋگە شاقىرعان بولاتىن.