مەملەكەت باسشىسى وسكەمەن قالاسىنداعى سپورت كلاستەرى نىساندارىن ارالادى

استانا. قازاقپارات - مەملەكەت باسشىسى ن. نازاربايەۆ وسكەمەن قالاسىنداعى سپورت كلاستەرى نىساندارىندا بولدى،
None
None

دەپ حابارلادى اقوردانىڭ باسپا ءسوز قىزمەتى.

 ەلباسى جەكپە- جەكتەر سارايىن، جەڭىل اتلەتيكالىق ورتالىق پەن ءجۇزۋ باسسەينىن ارالاپ كوردى. سونداي- اق وسكەمەن قالاسىنىڭ سپورت بازاسىن كەشەندى دامىتۋ جۇمىستارى بارىسىمەن جانە شىعىس قازاقستان وبلىسىندا سپورت، ءبىلىم، جاستار ساياساتى سالاسىندا جۇزەگە اسىرىلىپ جاتقان جوبالارمەن تانىستى.

 سونىمەن قاتار قازاقستان پرەزيدەنتىنە وزەكتى الەۋمەتتىك ماسەلەلەردى شەشۋگە باعىتتالعان، اتاپ ايتقاندا، جەتىم بالالاردى قولداۋعا («مەيىرىم» اكسياسى) ، مۇگەدەك بالالارعا كومەك كورسەتۋگە («الەمگە اشىلعان تەرەزە» ) ، تۇلەكتەردى جۇمىسقا ورنالاستىرۋعا، مەتسەناتتىققا (دەمەۋشىلەر) بايلانىستى جوبالار تۋرالى باياندالدى.

نۇرسۇلتان نازاربايەۆ وڭىردەگى سپورت سالاسى ارداگەرلەرىمەن اڭگىمەلەسىپ، وڭ وزگەرىستەردى اتاپ ءوتتى.

 - ەكونوميكالىق دامۋدىڭ ارقاسىندا ءبىز الەۋمەتتىك، سونىڭ ىشىندە سپورت ماسەلەلەرىن شەشۋگە مۇمكىندىك الدىق. بۇكىل ەلىمىز بويىنشا سپورت نىساندارى قالپىنا كەلتىرىلىپ، سالىنۋدا. اتلەتتەرىمىزدىڭ ناتيجەلەرى دە بارلىق باعىتتار بويىنشا قارقىندى تۇردە جاقسارىپ كەلەدى. وسىنىڭ ءبارى ۇلت ساۋلىعىن نىعايتۋدا ماڭىزدى مانگە يە بولىپ وتىر، - دەدى مەملەكەت باسشىسى.

 جەكپە- جەكتەر سارايىندا كۇرەس، بوكس، دزيۋدو، تايەكۆوندو جانە كاراتە زالدارى بار، ولاردا جالپى سانى 1114 ادام جاتتىعادى. 350 ادامعا ارنالعان جەڭىل اتلەتيكالىق ورتالىق جۇگىرۋمەن، سىرىقپەن جانە بيىكتىككە سەكىرۋمەن، كوپ سايىسپەن اينالىسۋعا مۇمكىندىك بەرەدى. ءتۇرلى جارىستار وتكىزۋگە ارنالعان، حالىقارالىق ستاندارتتارعا ساي سالىنعان جابىق ءجۇزۋ باسسەينىنىڭ ەسىگى قالا تۇرعىندارى ءۇشىن اشىق.

سوڭعى جاڭالىقتار