15:28, 22 - ماۋسىم 2014 | GMT +5
بريتاندىقتار شەت تىلدەردى جەتىك بىلمەيدى
استانا. قازاقپارات - الەۋمەت تانۋشىلاردىڭ زەرتتەۋىنشە، بريتاندىق وقۋ ورىندارى شەت ەلدەردىڭ ءتىلىن مەڭگەرگەن مامانداردى جەتكىلىكتى دايارلامايدى، دەپ جازادى BBC.

CBI بريتان كاسىپكەرلەرى وداعىنىڭ تاپسىرىسىمەن جۇرگىزىلگەن زەرتتەۋ بويىنشا، الەمدە كوپ تارالعان تىلدەردى بىلەتىن مامانداردىڭ ازايۋى ەلدىڭ ەكونوميكاسىنا كەسىرىن تيگىزەدى.
بريتاندىق كومپانيالار ءالى كۇنگە فرانسۋزشا، نەمىسشە، يسپانشا سويلەيتىن ماماندارعا تاپشى. ءبىراق، سوڭعى كەزدە ەلدە قىتاي جانە اراب تىلدەرىن مەڭگەرگەندەردىڭ سانى ارتقان.
وعان قوسا كوپتەگەن جۇمىس بەرۋشىلەر پولياك، ورىس جانە جاپون تىلدەرىن بىلگەندەرگە قۇرمەتپەن قارايتىن كورىنەدى.
قالىپتاسقان جاعدايعا بايلانىستى بريتان بيلىگى شەت تىلدەردى وقىتۋدى دامىتاتىن باعداراما ازىرلەپ بولدى. سول بويىنشا بيىلعى كۇزدەن باستاپ بارلىق مەكتەپتەردە بۇعان دەيىنگىدەي 11 جاستان ەمەس، 7 جاستان باستاپ شەت تىلدەرى وقىتىلا باستايتىن بولادى.