سولتۇستىك قازاقستان: اتتاستار ماسەلەسىنەن زارداپ شەگۋدە

استانا. قازاقپارات - پەتروپاۆل قالاسىنىڭ تۇرعىنى ناتاليا ۆولكوۆا ءوز اتى-جونىنەن زارداپ شەگىپ كەلەدى.
None
None

ول ەسىمدەرى ۇقساس ادامداردىڭ قوردالانىپ قالعان قارىزدارىنا جاۋاپ بەرۋدەن شارشاعان. سوراقىسى سول سوت ورىنداۋشىلارى بەلگىسىز بىرەۋلەردىڭ بەرەشەگى ءۇشىن ونىڭ مۇلكىنە تىيىم سالعان.

ناتاليا ۆولكوۆا ءوزىنىڭ اتتاستارىنا قاتتى قاپالى. ەسىمدەستەرىنىڭ ءبىرى - بانككە، ەندى ءبىرى - كوممۋنالدىق قىزمەتكە قارىز. ءبىر قىزىعى -  بەلگىسىز بىرەۋلەردىڭ بەرەشەگى جازىقسىز ايەلدىڭ موينىندا.

سوت ورىنداۋشىلارى ونىڭ مۇلكىنە وسىمەن 3 رەت تىيىم سالدى.

ناتاليا ۆولكوۆا، قالا تۇرعىنى:

- جەكە پاتەرىم بولسا، ءۇيىمدى الىپ قويار ما ەدى؟! مۇنداي جاعدايدا نە ىستەيتىنىمدى دە بىلمەيمىن! قازىر الىس جولعا شىعۋدان دا قالدىق. ويتكەنى الدىمنان وسى شىعادى. سودان تاعى دا ءوزىمنىڭ كىناسىز ەكەنىمدى دالەلدەۋمەن جۇرەمىن.

ناتاليا 2 بولمەلى پاتەردە اناسىمەن تۇرادى. ەشقاشان نەسيە الىپ كورمەگەن. ەشكىمگە قارىز دا ەمەس. 25 جاسار ايەلتەگىمدى اۋىستىرۋ ءۇشىن تەز ارادا تۇرمىسقا شىعۋ كەرەك دەپ قالجىڭدايدى.

گالينا ۆولكوۆا، قالا تۇرعىنى:

- سوڭعى رەت ەگدە ايەلدىڭ قارىزىنا تاپ بولدىق. ول سۋىق سۋعا مىڭ تەڭگەدەي بەرەشەك ەكەن. بورىشكەر باسقا ادام، ءبىزدىڭ تەك اتى-جوندەرىمىز بىردەي دەسەك، سوت ورىنداۋشىلارى «قارا تىزىمگە» بارلىق ۆولكوۆالار كىرگەنىن ايتتى. سولتۇستىك قازاقستاندا ۆولكاۆا ناتاليا الەكساندروۆنا دەگەن 30 ادام بار ەكەن. ولاردىڭ 6 اۋى قالادا تۇرادى.

سوت ورىنداۋشىلارى كەلەڭسىز جاعدايدى بىلاي ءتۇسىندىردى.

باقتيار بيقانوۆ، سوت ورىنداۋشىسى:

- ۆولكوۆالاردىڭ ىشىنەن تەك 1989 - جىلعى ناتاليا الەكساندروۆناعا عانا شارا قولدانىلدى. بۇل -  قالالىق ادىلەت باسقارماسىنىڭ شەشىمى. باسقالارىنىڭ مۇلكى بولماسا كەرەك، ولار تىزىمدە جوق. ەگەر سوت تۇلعا تۋرالى مالىمەتتى تولىق جىبەرسە، مۇنداي جاعداي بولماس ەدى. موينىندا قارىزى بار ۆولكوۆا ناتاليا الەكساندروۆنانى ءبىر كورۋگە سوت ورىنداۋشىلارى دا ىنتىزار. بورىشكەردىڭ ۇستاتپاي جۇرگەنىنە ءبىر جىلدىڭ ءجۇزى بولىپتى. ال ونىڭ بەرەشەگىنەن بەرەكەسى قاشقان اتتاسى ەندى سوتقا شاعىمدانباق.

24.kz

سوڭعى جاڭالىقتار